M-A-Y-O
May 29th, 2009 by Zee
Kay hapit naman gyud mahuman ang bulan sa MAYO ako na lang gyung tiwason and tibuok letra.
M - Miming nga Maldita ug Mangtas
Mao ni among miming nga si Twilight. Ni post na dagway akong inahan ani pero ako gihapon ning ipakita. Kaning miming namo kay maldita gyud kaayo kay kusog mangambras ug samokon. Kay sulug-sulugan man ko, kadaghan nako gi kamras ani niya…hehehehehe
A - Artistahong Ambak
Kay artistahon man ko (hahahahaha) daghan kaayo kong mga posing nga buhaton kada asa mi mulaag apan ang akong paborito gyud kay mu-ambak. Pasensya na lang daan aning letrato kay ang maniniyot dili man kaayo maka-klaro…hahahaha
Y - Yawang Itlog
Aw mao na’y akong translasyon sa Deviled Eggs. Kay ang binisaya sa devil kay yawa man, mao na’y akong gigamit. Kaning itloga ni lami ni kaayo kan-on. Ako rang gisunod ang resipe ni Iska ug ni Munchkin Mommy so ug gusto mo sa resipe, dalikyat lang mo sa ilang mga balay aron makopya ninyo ug masulayan ninyo ning yawa….
O - Ongo
Atong Domingo, didto mi sa Bodie Ghost Town. Kaning lugara ni usa ni sya ka baryo nga wa na’y nagpuyo apan sapag adto namo bali mang daghanang tawo didto. Pero maskin pa ug daghang tawo didto, nakakita gyud ko ug ongo (abat) mao nang ingon ana akong hitsura. Ambot ug asa ko kadungog aning pulonga ni pero mao ra gyud na akong mahuna-hunaan karon…hehehehe
Category: Bisaya, Game, Hulagway, Pasundayag | 27 Comments »
