Mangayo diay ko ninyo og tambag sa tanan
October 22nd, 2009 by Tess
***EDIT BY CHOCO: Yay mga higala dia mitugmaw na sab ko diri. Waaahhh na puzzle ko sa sulti ni Lolie gahapon about sa gi post ni Tess maog dia nangukay ko. Kit-an ni nako ang POST ni Tess sa DRAFT. I am guessing basin ug gi-edit ni na post ug WALA MA RE-PUBLISH igo ra gi click and SAVE? I’m not sure. Dia akong ning i-re-post/PUBLISH naay 6 comments. ***Akong gisuwayan gi-click ang SAVE igo ra ni SAVE ug wala ma PUBLISH so DIA AKONG I-PUBLISH.
Niaging tuig nakaila nako ning isa ka pinay dire sa tunga tunga sa Europe. Kadtong tungura bag-o pa lang sya niabot dire. Nagkaila mi pinaagi sa friendster. So sa among pagkita maayo kaayo dayon ang among bonding kay tungod lagi bisaya man pod sya. Niabot og pila ka bulan. Sige na sya og share nako og problema sa iyang bana nga wala na daw oras sa iyaha og na bored na daw sya sa ilang flat labaw na nga nakipoyo lang sila sa iyang mother in law. Niabot ang panahon nga nag open sya nako nga kono daghan sya og ka chat nga mga lalalaki nga taga dire sad og gusto makigkita nya. Syempre akong tambag nako nya ayaw pakigkita kay minyo na kang dako og isa pa wa ka kaila sa imong ka chat. So in ana sya dili daw sya makigkita (pero nisulti pod sya nako kadugayan nga nakipagkita sya sa lalaki og nag adto og restaurant nag coffee lang daw sila). Niabot ang panahon nga nisamot ang iyang problema sa iyang bana og gisagpa daw sya. Nangutana ko unsa ang hinungdan. Ana sya nga nasakpan daw sya nga ka estorya ang iyang ka chat nga lalaki sa iyang cellphone. Sa sugod pa daw wa pa ka bantay ang bana kay sa cellphone lagi pero kay nidugay naman ang ilang estorya sa lalaki sa phone, nakabantay na ang bana nga lahi ra jud og mao to gilabay ang iyang cellphone og mao to nabuak og naguba. Gi share ni sa akoa sa Pinay og gahilak ana ko nya dili man pod nimo ma blame imong bana kung mao na iyang mahimong reaction kay asawa gud ka nya. Hangtod nidako ang ilang away og ang bana ni ingon na sa iyaha mismo nga mag divorce na ta kay di nako kaya imong batasan. Hangtod ang bana nakipag chat pod og laing babae pinay pod pero naa sa pinas. Nasakitan konohay ning pinay og mao to gusto sya mohawa sa flat nga ilang gipoy-an. Og syempre ako nga maloloy-on nga nilalalang ako syang gisagop bisan og pobre lang mi. Gitabangan nako sya tungod kay wa syay kapoy-an og timing tong panahuna nga naga snow na sa gawas. So ako ang nag offer sa iyaha nga dire sa poyo amoa while wala pa syay trabaho. In short nipoyo sya sa among balay usa kabulan og 8 ka adlaw. Ang bana nya wa jud pakialam kung naa ba syay gikaon or unsa ba. First week ning pinay sa amoa gihubagan og ngipon og mao to amo sya gipa dentist sa akong bana. Akong ingon sa pinay pangayo og money support kay lisod pag wala kay kwarta, isa pa bana pa na nimo na sya. Og maaayo na lang nisogot iyang bana og sya ang nagpaibot sa iyang ngipon. Pero sa amo gihapon sya nagpoyo.Maayo na lang niabot ang adlaw nga nakakita na sya og trabaho og mao to nihawa na sya sa among balay. Tungod lagi wala syay kwarta, ako pa sya gipahuram og kwarta agi og tabang. Bayaran lang ko nya pag maka kwarta na sya pohon. Og paghawa nya sa among balay wala na syay naga kontak nako. Natingala ko unsa iyang rason. Pag abot og usa ka bulan iya kong gitawagan nga hapit daw sya gi rape sa akong bana. Syempre akong reaction “shock” og dili ko katoo nga mabuhat na sa akong bana sa iyaha. Kay sukad sa among kaminyoon mag 8 na mi katuig wala jud na sya nagbinuang nako. Og mao to apektado kaayo ko og wala nako tingogi akong bana. Niabot ang usa ka simana akong gipangutana akong bana kung unsa jud ang nahitabo kadtong naa pa ang pinay sa among balay og tinood ba gud nga hapit nimo sya gi rape. Ang tubag sa akong bana….”wala jud na nako gibuhat”. Ingon sa akong bana nangutana daw ang pinay sa iyaha nga kung type ba ko nimo? Og gitubag sa akong bana nga dili ta ka type. Og ana akong bana dili daw normal nga babae tong pinay nga among gitabangan. Syempre kadtong tungura nalibog ko kung asa ko motoo sa ako bang bana or sa akong amiga nga bag-o lang nako nakaila!
Ana ko sa akong bana tug-an lang gud og tinood kay mapasaylo ta man ka sa imong gibuhat if ever man nga imong gi attempt og rape akong amiga basta motog-an ka lang og tinood. Pero ana sya sukad sa atong kaminyoon kabalo jud ka sa akoa nga dili nako bulahaton ang pagpamakak. Og didto nitoo nako sa iyang side.
While kadtong pinay nga akong gitabangan busy na sa iyang trabaho. Hangtod naay nangutana nako nga laing pinay kung kamusta na daw ko? Og gipangutana ko nya kung ok ba mi sa pinay nga akong gitabangan. Gitubag nako sya ok ra man og gisulti nya nako nga naa syay nahibal-an gikan sa pinay nga akong gitabangan. Syempre nasakitan ko kung nganong gitabi pa nya sa uban. Og lagi nasakitan ko pag-ayo, didto nako nag sugod og estorya og tabi sa akong mga closefriends nga pinay dire nga wala na lang nako namalayan nga mas daghan diay ko og natabi kaysa sa iyaha (which is mali jud pod nako). Og didto nasuko sya pag ayo nako kay kono mas daghan ko og na estoryahan og ngano daw mas motoo ko sa akong bana og dili sa iyaha.
Suko kaayo sya nako.Og mao to akong gibuhat akong gipang sulatan og email tong akong gi estoryahan nga unta makasabot sila nako nga mas motoo ko sa akong bana.
Kung namakak man akong bana sa akoa, Ginoo na lang bahala sa iyaha.
Mao ng mangayo ko ninyo og tambag ron. Kung kamo sa akong sitwasyon? Unsa man inyong buhaton? Asa mo motoo?
Ang pinaka ugat lang jud dire kay nitabang ko og karon mao ni akong nadawat sa akong pagtabang.
Disturb og stressed out kaayo ko aning problemaha pero gina ampo na lang nako tanan nga unta molabay ra ni.
Salamat sa pagbasa og unta maka tambag mo sa akoa.
Ang inyong higala,
Tess
This entry was posted on Thursday, October 22nd, 2009 at 8:15 am and is filed under Bisaya. You can follow any responses to this entry through the RSS 2.0 feed. You can leave a response, or trackback from your own site.
stressful jud tuud imong situation ron Tess dah… gitest jud imong kaminyoon… sa unang tan-aw, medyo wala ko salig sa imong amiga, because instead of solving her problem with her husband nangita na nuun sya lain, then again, dili man ta ka-judge kay wala man ta kabalo pud kung unsa gyud ang nahitabo sa iya ug sa iyang bana..she must have her reasons pud… on the other hand, ikaw sab, syempre mulabaw gyud imong pagtuu nga inosente imong bana… maybe you should have talked first to your friend and imo sya giconfront kung wala ra ba sya nagbutang-butang kabahin sa imong bana kay dili simple ra iyang accusation and imo sya gipangutana kanus-a ug unsang hitabua para imong maconfirm if sakto iyang events then at the same time imong maverify kung unsa ug asa imong bana atung tayma aron imong macheck kung gamatch ba ilang isturya… sa pagkakaron murag daghan na nakabalo, i think the best na lang gyud is to trust your husband’s words and hilum na lang.. kung imong friend manindigan nga hapit gyud sya girape nya mupasaka sya ug case, then matuki man gyud siguro na unsa ang tinuud na nahitabo..
dili ko sueto kabahin sa kaminyoon kay dalaga pa man ko, pero mao lang na akong thoughts..
Lagi Ylan lisod jud kaayo akong sitwasyon ron. Gihilakan jud nako ni. Pero kaabalo ko nga ang Ginoo naa lang jud na sya permi sa atoa og motabang. Sa tinood lang na estorya na nako ning pinay na akong gitabangan. Gi ingnan nako sya dili ko nimo ma blame kung motoo jud ko 100 percent sa akong bana. Ako man sad gi evaluate ang iyang mga accusations pero dili man gud fit ang iyang mga estorya. Mao ng ana ko nya nga kung tinood jud nga nakasala akong bana sa iyaha og namakak ang akong bana sa akoa..ang Ginoo na lang ang bahala. Pero dili pod ko nya ma blame kung ang akong pagsalig naa sa akong bana. Didto sya nasuko pag ayo nako. Ana ko nya Ginoo na lang jud bahala sa tanan. Og ang akong lesson ani pag naa may mga estorya dili na lang nako ipahibalo sa mga amiga nako para wala nay mahimo nga issue.
Salamat sa tambag nako Ylan. Pray for me na lang na ma enlighten ko sa nahitabo. Osbon ko salamat kaayo sa imong pag tambag nako.
hello tess,
thanks sa pagshare nimo ani imo post karon….
Salig nalang tanan sa Ginoo.
God will make a WAY………
Pray, ask and Trust tanan sa Ginoo.
Have Faith ni Lord, isalig nya tnan ni.
Ug mahimo, hilom nalang ayaw nalang tagda ang imong madungog nga storya ug ayaw nalang ug sulti o comments, bisan sakto ka or dili.
Nagka-storyahanay namo sa imo BANA, accept na lang nga tinood ang sulti sa imong bana,
tinood man or dili.
Kung tinood o dili, maka hunahuna imong bana sa iyang gibuhat, kung namakak man gani cya,
Pray and Ask sa Holy Spirit nga landagan cya sa matarong nga WAY, ug dili na nya usabon ang iyang gibuhat.
Love your Family…………
God bless
Salamat kaayo Bon sa imong tambag sad. Bitaw gi surrender na lang nako tanan sa Ginoo. Kabalo ko dili unfair ang Ginoo. Mao ng focus nako ron sa akong family especially naa mi anak sa akong bana og dili na magpa apekto sa mga estorya.
Osbo nako Bon salamat sa imong tambag.
Tess, sa akong pagbasa aning imong istorya bahin sa pinay. Una akong maikasulti atung pinaya wala siya nagmalipayon sa iyang pamuyo, usa na ang materyal labi na kay niipon lang diay sila ug puyo sa iyang ugangan ug sa flat pa. Shempre maikompara niya iyang life sa ubang pinay, labi na sa mga pinay nga naay own house.
Ug shempre adunay reason sa iyang pakig chat sa ubang lalaki adunay tumong, siguro isip niya kung naay mo tinuod niya nga lalaki nga mas kwartahan pa sa iyang bana didto siya.
Abi nimo kung maayo siyang pagka babaye ka minyo niyang dako unya nakig chat ug mga lalaki ug makig tabi pa sa celfon, mayra sab nga gi sagpa siya. Sakto sab nga gi sagpa siya sa iyang vana kay kiringkingon diay tong bayhana.
Tuod maayo kaayo ka kay imong gi sagop siya. Ug kung insakto pa siya nga babaye ug naa siyay delikadesa nga pagka tawo. Ang lalaki Tess matintal jud basta tintalon ug babaye - ug ang babaye nga naay pagka delikadesa di jud matintal ang lalaki bisag unsa pa na ka baboy nga lalaki di jud ma tintal.
Unya karun mao na iyang ingon nga hapit siya gi rape sa imong vana? nasabtan nako imong gibati di lalim iyang sulti. Kung ako pa siguro sa imong lugar ako na siya gi panitan ug gi asinan, ka salbahis niyang dako unsa siya nga pagka babaye baboy siya uy. Hunahunaa ka minyo niya unya nangita ug lain? asa ka ana? grrr…
Karun di lalim imong gibati e katawa nalang Tess ayaw i agi ug kaguol kay katung bayhana malipay lang nga maguol ka. Dakung kalipay atu nga magubot imong pamilya. Ug isa pa sab imong vana walay kausaban sa pagmahal kanimo ug kana ang pinaka importante. Ayaw na pag liboga imong utok kay magka wrinkles ka lang unya.
Tuod naglibog ka asa imong tuohan kay lagi wala man ta ka kita ug unsa ka tinuod. Ambot kinsay tinuod? nah walaa na kana sa imong huna-huna at least imong vana anaa kanimo ug ayaw sakye ang tumong atung bayhana nga gubuton imong pamilya.
Dili sab ko maka blame nimo kung unsa imong gi pang istorya sa imong mga close friends, kay di sab lalim ang gi tabi atung bayhana laban sa imong vana. Karun nasuko siya nimo kay ngano feeling niya di siya baboy? Grrr…
Ingon ana jud ang ubang pinay Tess, makig minyo ug mga puti kay ang pag tuo kung puti mahimo kana dayong donya. Unya kung maka minyo ug puti nga di milyonaryo mangita dayon ug lain. Ingon atu siguro to siya kay nganong nakingita man ug laing lalaki. Kung iyang vana di hilig ug sex, unya nganong nangita man pod ug laing babaye beh? Unya moingon siya nga dili siya tagdon sa iyang vana, unsang klaseng pag tagad kaha? basig kwarta or materyal.
Sorry kung unsa akong gi pamulong laban atung bayhana Tess. Basta ayaw na pag hunahunaa kana nga istorya ang importante malipayon imong pamilya.
Salamat kaayo Lolli ha. Nisamot og kalandag akong pang huna huna ron. Sa pagbasa nako sa imong comment nikatawa ko og naghilak. Daghan kaayo ka og ponto sa imong komentaryo dire. Mao bitaw ng careful nako motabang.Tinood kosog kaayo ko motabang bisan og last money pa nako na ihatag na nako na aron makatabang. Pero na phoebia jud ko aning pinay nga akong gitabangan oi. Sakit kaayo akong dughan. Lisod og dili lalim akong na agihan sa iyaha. Mao ng gi agi na lang nako sa tanan sa pag ampo. Kay mao na lang tawon na akong weapon aron pod mahuwasan akong gibati. Karon pasalamat ko nga naa mo nag tambag dire ka nako. Salamat kaayo Lollie sa imong tambag ha. Dako jud kaayo ni nga tabang sa akong gibati ron. Basa basahon nako ni permi inyong mga komentaryo dire. Osbon nako salamat jud kaayo sa tambag.
mao lagi lotz, nakita nako na sa draft pero wako manghilabot kay basig wala gipublish ni tess. Maayo noon kay napublish na siya.
na sakto ni tanan ila gisulti Tess. Ayaw sig tagad anang bayhana kay igat, kundatan ug unsa pa diha, nangita lang gyod na siyag gubot ninyong magtiayon.
salamat loy ha sa imong comment dire. og sa inyong tanan nga nag tambag dire ka nako. Ako bitaw ning gi edit og wa na nako nabantayan nga naka draft diay. Salamat kaninyong duha Choco og Lollie. Ok nako og ako na lang isalig tanan sa Ginoo.
kinsa ni si Моддинг ? di man ko kasabot sa iynag comment dire pero salamat.