Bisdakplanet.net

Mga higala Malipayong Pasko ug Mabungahong Bag-ong Tuig sa tanan.

Pasayloa ko kung naulahi ni nga pahibalo kaninyo kung unsang petsaha napadala ang pinaskuhan alanga sa mga bata. Di man gud nato malikayan nga usahay ma busy kita sa atong offline, mas importante man jud ang atung offline kaysa online, diba?! So, hinaut inyong masabtan nga usahay medyo madugay ang update.

Nahatag sa bisdakplanet ang pinaskuhan sa mga bata adto rang Dec. 5, ug ug ang total amount is $317.98 gi tunga ug tag $150.00 sa duha ka eskwelahan, ug ang charge fee sa pagpadala. Siguro inyong nang nakita ug nabasa ang post ni dae Analyn. Kanimo dae Analyn daghang salamat usab sa imong pag paningkamot nga maapod ang mga kabataan bisag ginagmay. Si dae Gengen paaboton lang nato ang update sa ilang eskwelahan, sigurado nga nalipay usab ang mga kabataan sa Consuelo Elem. School. Daghang salamat kaninyo ug sa tanang ni donate.

Kung wala mo, kita, kitang tanan dili mo barog ang bisdakplanet foundation. Wala lang nato damha nga dire sa atung grupo ubay-ubay sab diay atung napalipay nga katawhan, sama sa unang misyon ni Doktor Norwin.

Ug sa unang pag opera sa mata ni Roquesa.

Sa ika duhang pag opera ni Roquesa ni hatag ang bisdakplanet foundation para sa pamasahe ug panginahanglanon nila sa pag stay sa Cebu. Daghang salamat usab kay Bonbon kay naka tigum siya adtong higayona ug dako dako sa ika duhang operasyon ni Roquesa, maong misc. fees ra ang nahatag sa bisdakfoundation.

Kini review alang sa mga malumong kasingkasing nga myembro dire sa bisdakplanet. Mao kini ang mga pangalan nga ni donate sa bisdakplanet foundation. Kung wala naapil inyong pangalan sa screen shot, palihog tan-awa dire sa foundation page.

Higala kung aduna kamoy mga pangutana ayaw kaulaw anaa ang email sa ibabaw niining atung site ug andam ang mga bisdakplanet admin nga mo tubag sa inyong mga pangutana. Daghang Salamat!

Atong December 11, 2008 sa alas nuwebe sa buntag gi panghatag na ang mga pinaskuhan na gihatag sa bisdakplanet foundation. Kuyog ang amo Principal,mga studyante og kaming mga maestra mi pasundayag sa dakong pasalamat kay natagaan ang 300 ka bata na pinaka ka kabus na studyante. Naa usab ang mga ginikanan aron mi saksi sa maong ipanghatag na mga regalo. Di a ang mga hulagway sa mga bata na pirting lipaya,sangko sa langit ila kalipay na tagaan cla og pinaskuhan.

|||||||||

Sa ngalan sa G.L. Dondoy Central Elem.School nga mga studyante, mga ginikanan, mga maestra og labi na sa among  Principal nag pa abot kaninyong tanan na taga bisdakplanet daghann kay salamat na dako sa mga regalo na gihatag sa amo kini dako jud ning ikatabang sa amoa labi na sa panahon karon na nag kalisod. Usbon ko Daghang daghan salamat kaninyo mga higala. Maayong Pasko og Mabungahong Bag-ong Tuig. Ang Ginoo maana ninyo tanan…..