Mangayo’g Katahuran
November 18th, 2008 by coolbuster
Una sa tanan mangayo ko’g katahuran sa tanan dinhi sa BisdakPlanet. Maayong buntag…maayong hapon…maayong gabii.
Kumusta mong tanan? Dako nakong pasalamat sa pag welkam sa akoa dinhing dapita sa world wayd web.
Magpaila-ila ko mga higala. Ako diay si Coolbuster, empleyado, karaang damang sa FM radio isip DJ, writer, blogger, usa ka tawo nga nanlimbasog sa kinabuhi aron mabuhi. Sama gud ninyo, naga-work me, aron maka-eat me. Hihihi.
Di-a ko puyo diri sa Mati, usa ka bag-ong syudad sa probinsya sa Davao Oriental. Bisaya kaayo kong dako! Apan kung mag-iningles ta mahimo gihapon. Sa gobyerno ko nagtrabaho. Human sa opisina, mouli dayon ko kay daghan man gi-atiman… nga blog.
Naa koy blog nga seryoso, naa poy pakatawa, naay pa cute, naa gani poy langga-langga, ug hasta pod pa-premyo. Kompletos rekados no? Daghaan kog gi-atiman.
Anyway, hinaut unta nga madawat ko ninyo diri isip higala. Ayaw kabalaka kay kusog pod ko makig-higala. Daliiii ra kaayo kong duolon, apan lisod lang pangitaon.
Di-a ra akong hulagway oh, basin magbangga ta sa dalan yawat na lang mag-ilhanay ta.
Oh kana ra usa. Ayo-ayo mong tanan ha. Ingats.
Category: Anniversary, New Member, Teleserye | 87 Comments »
