Maayong adlaw sa tanang genuine members sa Bisdakplanet.
Ania na usab ako para magpahibalo kaninyo sa mga bag-ong panghitabo sa bata nga si Roqueza na gitabangan sa BISDAKPLANET FOUNDATION.
Pasalamat usab kaayo ko ug dako sa LAMBERZ family sa Germany labina kay tita VK a.k.a bonbon ug sa iyang Kapikas na c Bernie, kay dili pa tungod sa ilang kabuotan, dili gayud maoperahan ang ikaduhang mata ni roquesa. Pasalamat usab ko ni Choco, lollie, ylan ug glorie ug sa tanan nga nitabang nga wala nako ma mention diri.
Ang ako nadawat na kwarta gikan ni Tita VK kay Php 26,920.00. Nya aduna pa man kitay sobra nga Php 3,146.57 sa una nga donation, ang total tanan kay Php 30,066.57. Duna usab na gihatag sila Ylan ug Glorie sa akoa na Php 3,700.00 nga nakolekta usab sa bisdakplanet para pang allowance nila sa cge nila follow-up, tanan kwarta mibalor na ug Php 33,766.57. Sa kasamtangan, admitted pa cla roqueza, and wala pay final billing ako ra nya i.post dinhi kung unsa man galing…
Ania ang mga hulagway na nakuha, sa dayon pa lang pag admit, operasyon ug sa pagbisita nila ylan ug glorie sa hospital.
mao ni ang pag-examine ni roqueza sa OPD.
kaning mga mosunod na mga picture kay ang pagkuha ni sa pressure sa iyaha mata. Ang normal nga pressure kay 10-21. Ang naoperahan na niya nga mata ang wala kay 14 na. Nya ang tuo kay 56 pa.
Kaning mga musonod na mga hulagway kay ang sa operating room na ni.
ako naglimpyo sa mata ni roqueza sa dili pa magsugod ang operasyon ug c dr. tarongoy na ang sa kilid.
Kanikay naa na c roqueza sa recovery room.
Mao ni ang pagbisita ni glorie ug ylan last friday kang roqueza.
Surgeon: Dr. Pamela Tarongoy
1st Assist: Dr. Norwin Detalla
Scrub nurse: Ramon Clayfer Panerio
Anesthesiologist: Dr. Gerry Antigua
