Bisdakplanet.net

Musta mga higala. Ako lang ipahibalo sa tanan nga ang katong nag donate para sa operasyon ni Roquesa, daghang salamat kaayo. Palihog padayon sa pag basa.

Si Bonbon aka Vicki naningkamot intawon siya kaayo para sa pagahimoon nga ika duhang operasyon ni ROquesa, ug siguro nabasa ninyo dire sa iyang previous post ug giunsa niya pag paningkamot nga makatigum, ang iyang gi buhat nangolikta siya ug ginagmay sa iyang mga kaila ug ang iyang buotan usab nga bana nangulikta usab sa kauban niya sa iyang trabaho, pinaagi sa gihimong lata.

Tungod sa idea ni Bonbon ug sa iyang bana nakatigum sila ug kantidad nga sakto ika paopera ni Roquesa. Ang maong kantidad wala na niya gi forward sa bisdak paypal, kay aron usab maka save sa gastuson busa iya nalang kini gi diretso kay Dr. Norwin pag padala adtong niaging adlaw ang 400 Euro nga natigum, apil na ang iyang kaugalingong donasyon ani nga kantidad.

kanimo Bonbon, magkapuliki jud ka sa mga grasya nga imong madawat gikan sa kahitas-an. Bulahan ka, ug ang tibuok nimong pamilya. Karon kay iya man gi sagot ang ika duhang operasyon ni Roquesa, busa ang natigum sa bisdak paypal karon ipadulong tanan sa eskwelahan isip pinaskuhan gikan sa bisdakplanet foundation. Kung aduna kay mga pangutana higala ayaw kaigkog ibilin lang imong mensahe sa comments area o pwede nimo e email anaa sa itaas tuploka lang ang contact us.

Pinaagi sa inyong mga malumong kasing-kasing nibarog ang atong bisdakplanet foundation. Daghan kaayong salamat kung wala mo dili kini mahitabo, ug wala lang usab damha kining atong grupo isip pawala sa kalaay inubanan sa daghang mga pasi-aw, dako usab ang natabang sa atong isig kaingon. Bulahan kitang tanan.

Mga higala kinahanglan mahatag nato ang pinaskuhan mga katapusan sa Nobyembre, basta kinahanglan sa dili pa mag Christmas break aron ma feel jud sa mga kabataan nga naa silay pinaskuhan nga nadawat. Busa kinsang myembro ang gusto mo rekomendar ug eskwelahan, palihog ipahibalo na ninyo dire o kung nganong angayan maoy makadawat ug pinaskuhan. Ug palihog basa dire kung unsaon nimo pag rekomendar.

Palihog paabuta nalang usab ninyo ang sunod nga update kung pila ka eskwelahan ang mahatagan kay kung dako-dako atong natigum basin diay dili lang usa ka eskwelahan ang makadawat ug pinaskuhan, diba? Basin this week maka update ang atong incharge sa bisdak foundation kung pila na tanan atong natigum. So, paabot lang usa mga higala busy lang ang linya.

Usbon ko e post dire ang inyong gustong e rekomendar nga eskwelahan, kay ang naka rekomendar na si Gengen, Lolli ug Ylan (sakto ba ko mam Ylan imo ba to gi rekomendar ang gi hisgotan nimo nga eskwelahan, wala na nako gi review ang mga post) ug aron usab atong mapilian sa daling panahon kay duol na raba ang pasko, dali lang raba kaayo ang panahon kaon, busa pag post na intawon mo.

Mga higala e share ko lang usab kining gi post ni RICK dire, ug bisitaha nalang didto sa iyang blog sa dugang infos.

Daghang salamat sa inyong pag basa ug happy weekend sa tanan.