Bisdakplanet.net

Maayong weekend sa tanang bisdak! Ako nalang diretsohon akong e post dire ha. Bahin sa BISDAKPLANET FOUNDATION, diba pwede ta mo rekomendar ug eskwelahan kung angayan bang mahatagan ug pinaskuhan gikan sa bisdakplanet.

Ako wala ko ni gradwar aning eskwelahana [Cabug Elementary School- Medina Misamis Oriental], pero akong brother dire siya ni gradwet [youngest bro.]. Natawo ug nag dako man ko sa Bukidnon ug sa Valencia Bukidnon sad ko ni gradwet ug highschool [SAIT]. Pagka gradwet nako ug higschool niingon akong ginikanan nga mang lugsong daw mi sa babay [Medina Misamis Oriental] kay lagi aron kono maka eskwela mi ug kolehiyo, sa laktud nga pagka istorya hadlok akong ginikanan nga maminyo unya ko didto sa bukidnon ug YUTAAN [yutaan ug koko ba, kay manggunahay man], ug sa Cagayan De Oro ko nag feeling kolehiyala.

Sa Medina ang panginabuhi sa mga tawo dire; copra, panagat, fiesta brands (factory) unya kay gikan man ug bukid akong ginikanan, mantinir lang intawon ug copra nga pastilan bukid nanganaw-kanaw pod kalayuon ang tungason. Mo tungas sila nga mag hangad kanunay, unya inig lugsong mag dungo pod sila kanunay kay bukid man lagi, pero makatungas baya sad ang treport nga maoy mo hakot sa kopra. (pero karon wala na mi ginikanan, mga bata pa kaayo tong among ginikanan nga ni biya dire sa kalibutan, didto ra jud siguro sila taman).

Aning bag-o lang matud sa akong brother nag shut down ang fiesta brands looy kono kaayo ang mga tawo didto kay halos kini ra jud nga factory ang gisaligan. Ang katong mga casual nga trabahante wala na gipasulod sa factory, pastilan pagka daghan sa mga casual niabot na ug 50 ka tuig serbisyo sa maong factory casual lang gihapon, kay lagi aron mag angay ang tanan nga maka kaon.

Pero nganong gi rekomendar ko man ang maong eskwelahan, nahuna-hunaan ko lang ang ka krisis kaayo sa mga tawo aning among lungsud. Pero mas angayan pa siguro ang eskwelahan nga tabangan kadtong naa sa barangay o sitio, ni post lang ko dire aron naay laing myembro nga mo rekomendar sa inyong eskwelahan. BOW!