mangaon ta ninyo
June 18th, 2008 by Lolli
kini man gud si dae Princess nag post dire ug lobster nga pwerte jud nakong ibuga ato uy. Nagsalimuang jud akong ginhawa kay si vana nga nangita wala kono baligya kay talagsa ra jud ni direng lugara kay layooo ra kaayo mi ug dagat unya mahal pa jud kaayo, maong pila ka adlaw wala jud ko sa mood gi tuyo nako aron mapugos jud si vana ug pangita, unya permi niyang rason nalukop na daw niya mga shop wala jud kono, nah nisamot jud akong ka mug-ot, labi na kay nag pislango pod ang kaluha kay iyang natakdan, kini man gud among panahon dire nga tugnaw init.
Ganiha pag uli niya, sus iya dayon gi pakita iyang gi bitbit dakoa jud sa akong ngise uy, pero dili lagi presko nah bala na basta naa. Ang bulad ra jud ni choco nga bisan unsaon nako ug ligid ligid ug hilak di jud na makita dire sa akong nahimutangan nga lugar. LOL
mao ni akong lobster nga 14euro ang isa ka buok dili pa jud presko, mas mahal pa jud kong presko. Agay kalami, mangaon ta ninyo. LOL
wala nako nabantayan gi butangan ni vana ug tinidor, pabuyag jud. lol
Category: Bisaya | 20 Comments »
