Naa bay de battery nga bouncing cradle?!
April 22nd, 2008 by Lolli
Naa ba moy ika tambag kanako. Tabang intawon.
Kining akong kaluha usahay maglibog man siguro ni ug unsay gabii ug adlaw, kay kung adlaw asus tulog silang duha pati ang lubot hagok, bitaw, kay gassy pod kaayo ning akong babies I mean palautot kaayo, kalooy sa Dios di sad sila colicky pala utot lang jud unya sayonan baya mo pag sige ug utot sakit baya sad na sa lubot ha, kay gas gud diba?! Mag pula lagi nang anus (kutipot) nila tungod sa gas ba, pero naa noon koy cream aron di ra hapdos inig utot. Maong disturbo pod ning utota uy. LOL
Akong gi pangutana ang Pedia kung kanus-a mawala ang ilang pagka gassy ang tubag pod sa Pedia after 3 months daw sa corrected age nila, kay lagi premature babies sila maong gassy kaayo. As in gassy jud, kung naay kuntes utot, na winner jud ning akong kaluha. LOL
Diay gi pugos ni sila ug pagawas adtong January 5, imbes ilang due date March 13, maong kapin pa ni silag bulan sa ilang corrected age. Ang pediatrician mag base kanunay sa ilang corrected age, ingon ana diay pag preemies sa corrected age basihan ang development.
Mangayo kog tambag. Gi anad ko ni sila nga ibutang sa ilang bouncing cradle, unya karon na anad naman hinoon bisag gabii gusto man gihapon nila nga naa sila sa bouncing cradle di naman hinoon matulog sa ilang crib. Bisag unsaon nako ug suway nga patulogon sa ilang crib di jud, waaahhh…sayonan mo hawoy kaayo sige ug yugyog sa ilang bouncing huhuhu manakit akong braso yinugyog. Unsaon ko man ni uy, semana na kapin nga di sila matulog sa ilang crib. Maong bitbiton nako sila sa among bed room kay magpa yugyog man lagi, agoy manghilak man pod ug palungon ang suga. Disturbo si vana nga natulog. Naa bay de batery whatever nga bouncing cradle aron di na yugyogon ba. LOL
Nah ako man lagi sila bit-biton sa among bed room, agoy basig di na pod ni sila gusto mo sulod sa ilang room. Tsk tsk…
Unya pod diay, inig mag mata ni silang duha kinahanglan pod imong entertenon kay kong imo lang pasagdan manggi hilak, kinahanglan imong istoryahan ug bisag unsa kay maminaw pod kataw-an kapa. Imbes mang limpyo kog balay di jud pabiya ang duha, intawon among balay di na mahitsura mura na gi bagyo kay kung matulog pod sila mo dalikyat pod intawon ko ug piyong kay low bat jud ko permi.
bebe pa gani matinumanon na, kadali ba kaayo ma but-an sa mga babies ron uy. LOL
Category: Bisaya | 105 Comments »
