Unfinished Business
March 13th, 2008 by naomi
Hello sa tanan. Akong first time mag post diri-a…
Anyway, mahilig ba mo ug boxing? Akong bana grabe kahilig, maski wala nako kaila nga mga boksingero, tingala ko kay kaila pa ba lang gihapon siya. Nah, wala na sad ko nag bali-bali atong uban boxers kay mga ngil-ad man sad ug dagway (pwera lang kay Dela Hoya nga cute… hehehe). Mga dagway nga di ka mag alanganin nga masumbagan ug taman-taman kay lain naman daan… (Lord sorry ha).
Karon umaabot nga sunday, sabado sa US, away na sad ni Manny Pacquiao against kang Juan Manuel Marquez. Kini mao ang ilang ikaduhang away since 2004, kung asa “draw” ang resulta sa ila away. Di man gyud ko hilig ug boxing (pero usahay motan-aw sad ko kung naay away si Penalosa and Boom-Boom Bautista), pero kini di gyud nako ni palampason. Isa ko sa kandidato ani nga magpuyo ra sa balay aron motan-aw lang sa tv kang Pacquiao. Sigurado, mingaw na pod ang mga dalan diri sa amoa, kay ang mga tao tua na sa ila mga balay, or sa sinehan. Ug isa pa, sure na pod ko nga daghan na pod nag pusta-anay ani…ambot lang kung niapil ba ako bana ug pusta… hehehe…
Nah, naa na pod speech ani ng mogawas…”Sa mga pumusta sa akin, maraming salamat, sa mga hindi pumusta…..buti nga sa inyo!”
Category: Bisaya | 46 Comments »
