Bisdakplanet.net

Nanawagan ko sa tanang miyembro sa BISDAK na palihug pakibisita sa LINKS PAGE sa akong blog ug paki-check kung nalista ba inyong ngalan o payag didto. Kung wala gani, pakibilin na lang ug mensahe DIRI-A aron ma-add tamo ug kung oki ra sa inyoha, i-add pud akong payag sa inyong blog. Hehehe! Exchange links ba. So mao lang to, matulog na ko kay ala una y medya na tawon diri sa among kalasangan. Hehe!

~ Chikai

P.S. Sa hilig ug digital scrapbooking, bisitaha lang akong scrapblog kay daghan ko ginapost na FREEBIE links didto.

Hi mga bisdaks!

Nabanhaw ko diri kadali, just wanted to share photos during the Sinulog last Sunday, January 20.

Click here!
or visit this site http://ylangurl.blogspot.com/2008/01/sinulog-2008-photos.html

Ayu-ayu mo tanan!

haaay, kapoy kaayo, kauli ra nako last thursday from out of town affair.. gi-edit na gyud sad nako akong balay (as promised) pwede na ninyo i-visit akong balay, Inspiring the Spirit

naa ko na mga bago na hacks na nakuha nako sa internet.. ang uban ako ra gihimo mao dugay bago nako nahuman ako balay.. if you are interested in any of my hacks just tell me through my email or maghabilin ra mo ug comment sa akong blog..

daghan salamat sa tanan bisdak na nag visit pa gyud sa akong blog bisan wa pa gani human.. salamat gyud! God bless to all! =)

*Gikan ni sa akong karaan nga blog, ako lang i-share ninyong tanan. Pers taym sad diay nako ni nga mo-post diria.

Ambot ug kanus-a ko nagsugod nga nahimong balaknon. Ang ako lang nahibaw-an, usa ka kaadlawon, gikamang ko ug kawatan. Unya gitiunan ug pistola. Wa man sad siya’y gisulti, igo lang ningtan-aw nako, ang iyang kwarenta’y singko gisandig sa akong agtang.

Nanglimbawt akong balhibo kay sa akong paminaw, murag di man sapi ang iyang kinahanglan. “Atay, basig karne ang gusto aning kanahan!“ Gipaningot kog bugnaw sa akong nahunahunaan. Ug lisod para sa mga babaye ang mapanamastamasan, unsa na lang kung kaming mga laki ang mareyp?

“Suwat!!“ Matud pa niya. “Suwati ko ug balak!” Katulo pa niya gibalik-balik ug sulti, dayon dukong sa pistola sa akong agtang.

Bisag sakit, nakaginhawa ko ug gamay kay sa una nakong pagdungog, abi nakog ang iyang gisyagit -– “Tuwad!”
Gipasuwat ko niya ug gimanduan nga dili muhunong hangtod sa hangtod, hangtod nga nihayag na lang sa gawas, hangtod nga nakamata ko. Damgo ra man diay’ng pisti.

Sukad ato di na ko makalingkod sa atubangan sa computer nga dili magbutubutu akong dughan. Mahinumduman dayon nako ‘tung akong damgo. Mawa ra man sad nuon ang kulba ug naa na ko’y nasuwat.

Sa sinugdanan, kinahanglan balak gyud ang akong isuwat para matangtang, pero karon bisag unsa na lang puyde na. Basta naa lang gyuy masuwat. Nahadlok ko nga ug di ko musuwat ug bisan unsa, basig matinuod nya nga kamangon ko ug kawatan, unya musyagit na gyud hinuon ug– “Tuwad!“

Mag-unsa na lang.