Napalayas Na Gyod Si Baron/ Go Ruben
December 29th, 2007 by Rolly
Medyo late na ni siya nga post pero maayo nalang makabalo ang uban nga wa kakita sa TFC. Hay salamat kay sa iyang pagka-wild child, napalayas na gyod si Baron. Grabe kong mahubog kay malimot na siya sa iyang kaugalingon, way buot ba. Iyang giayo ug pamalikas si kuya ug iya pa gyong gihagit ug sumbagay si Will. Nag-wild gyod siya oy.
Maayo nalang kay wa na gyod magpadala si kuya ug gipalayas na siya sa iya balay. Kaduha na ni niya gibuhat. Napasaylo na siya sa una pero niotro napod.
Laliman ka nga gibansilian niya iya ang phone call sa iya mama sa usa ka stick sa sigarilyo. Ing-ana ka addict si Baron sa sigarilyo ug alak. Tan-awa na iya nawong, naanay uwat tungod sa iya ka wild.
Nakahilak ko ganiha gatan-aw nilang lima nga nabilin. Gipapauli na sila si Mariel ug Ethel. Ug sa dihang gipangutana sila ni Toni kung kinsay ilang gustong mahimong big winner, usa ra ilang giingon nga ngalan ug way lain kundi si Ruben. Sa limang nabilin nga sila ni Jon taga UK, Will taga Germany ug US, si Ruben taga Davao, Gaby taga Manila ug si Riza taga Canada, silang tanan wa makaako nga mopili ug si kinsa ang dili angayan sa big 4. Pero sa dihang gipapili sila ni kuya kung si kinsa ang gusto nilang mahimong big winner, usa ra ang ilang gustong makadaug ug way lain si RUBEN kay tungod sa iya pagkamatinud-on sa isig kaingon, mapagmahal sa iya pamilya ug matinabangon ug mapahiubsanon. Ang gipili ni Ruben nga may porohan nga makadaug, si Gaby. Gusto pod nako si Gaby kay prangka. Di ko ganahan ni Riza ug Will kay para nako, mga plastik.
Unta makadaug si Ruben. Hapit na ra ba ang big night.
Read the rest of this entry »
Category: Bisaya | 27 Comments »
