Nakauli nako gikan sa Maternity
December 13th, 2007 by Lollipop
Nakauli nako gikan sa Maternity. Sus grabeh ka boring didto, mura lagi ka ug prinsesa sa ilang serbisyo pero ang ka laay grabeh jud.
pag-abot nako sa Maternity adtong byernes, gi deretso ko sa delivery room, pwerte intawon nakong lisanga kay nganong naa ko sa delivery room, Sus kay gi ECG ang babies, kataw-anan kay tagbawan ang midwife ug dakop-dakop kay grabeh ka lihok sa kaluha sige ug kungfu fighting, hapit mag oras ayha nahuman ang ECG.
Paghuman sa ECG ingon ang midwife injectionan tika for the lungs development sa babies, sus nalisang na sad ko, kay akong huna-huna ila jud diay ko ani paanakon ug sayo. Wala jud ko kaagwanta ni ingon jud ko sa midwife; Madam, I want my twins they should come of their own. Tubag pod siya nga; Of course, of course madam. Ang mata ni vana [rolling eyes] kasabot jud si vana nga nahadlok intawon ko. LOL
Agoy ang injection, sa lubot arang kasakit murag gi palu-palo akong lubot grabeh ka binhod, sus nadaot jud akong byuti. Kinsay di madaot ang byuti akong huna-huna nganong ipa stay ko didto nga ECG ra man diay ug injection. Gidala ko sa akong room ug nurse na ang nag assist nako, sa laktud nga pagka istorya wala koy tulog sa unang gabii kay talawan man intawon ko nga mao rang usa sa kwarto.
Pagka buntag sayo kaayo namukaw akong OB 7:30 pa, siguro nisumbong tong midwife nga nahadlok itawon ko sa ilang gibuhat nako. Ingon si Dok, ayaw kahadlok kay kaayuhan sa twins ang injection, kay in case gusto nang mo gawas ang babies nga dili pa ang due date, the lungs are already strong. We must care kay ang twins daw dili ra moabot sa due date mogawas na.
Nauli-an akong kabalaka sa mga tambag ni DOK. Aw mao ba dok, maayo kay gipasabot ko ninyo. LOL Adtong sabado ika duhang injection, sus kasakit jud uy pero kong imong huna-hunaon nga para sa babies mawala ra ang kasakit. LOL
Sa isa ka adlaw kaduha gi ECG ang babies, sa gihapon tagbwan sila ug dakop-dakop tungod sa kalihok. Naay kaisa gi ECG nila nga busog kaayo ko, pero makatawa nalang sila kay permi jud ang kungfu fighting, ang makina lagi lagubo permi. LOL
Adtong Lunes, gi ultra sound ang babies gi monitor ang resulta sa injection. Ang resulta OK tanan, thanks God! ingon ni Dok, ang babies dili dako dili gamay perfect size as six months. Pero dili nako palihokon ug ayo, kinahanglan mag puyo sagdan daw ang balay hugaw hahaha… Next week, another ultra sound, gi bantaan ko ni Dok, kung makita daw niya sa resulta nga dili ko maka puyo pag naa sa balay ibalik ko sa Maternity didto daw ko niya ipa stay, waahhh sayunan ka. Maong rest kaayo akong byuti ron kay mahibal-a raba jud ni Dok pag dili ka relaks tungod sa ka hi-tech rong panahuna.
Sundon nako si Dok nga kinahanglan relaks kay sus basig ibalik ko niya didto sa Maternity, pastilan ka boring jud didto unya ako rang usa sa kwarto nga pwerte raba nako ka talawana. LOL
Category: Bisaya | 141 Comments »
