Imbitado Mo Tanan!
October 23rd, 2007 by Rolly
Ako tamong imbitahan sa ako birthday party karong Hwebes, Oct. 25. Inyo lang plete paingon diri, ako nay bahal sa puy-anan ug pagkaon. Ambot kaha ni Haze ug moari ba to.
Dili unta ko mag-party pero unsaon man nga gibandilyo na sa tibook Filipino community diri mao nga maghikay nalang ko. Ang problema ron kay di man ko kabalo moluto mao nga akong gipangtawgan tanan nga mga pinoy diri sa among lugar ug akong gihangyo nga magdala ug pagkaon. Hibalo mo, nagpadala pa sa TFC Sojourn ug naa ko didto. Haska nakong lipaya.
Nalibre noon ko kay ila man kuno kung tagaan, usa ka putahe kada pamilya. Di man gyod na mahimo nga magparty diri ug kitakita ra kay mahiubos ang uban wala imbitaha, mao nga tanan nalang gyod imo imbitahon. Daghan baya mi buaw diri ug ako untang i-ban ang mga bata pero di man gyod na malikayan nga dal-on, ako nalang hiposon ang mga mabuak.
Dili sa panghinambog, pinangga ko nila diri ug wa ko nila pasagdahi kay nasayod man na sila unsa ko ka buotan nila. Sa mga tawo lang nga wa masinati sa akoa, makaingon gyod nga maldita ko pero lahi gyod na.
Tabangan napod ko ani sa mga bata ug pangulit kay magbirthday lagi ilang pinanggang Tito Rolly. Ako ra bay tingbantay aning mga bataa sa mga gagmay pa ni, unya karon mga dalagingding ug mga ulitawo na.
Magparty mi diri puro ra mga Filipino, way masagol nga laing lahi. Sa kalisod ug sa kalipayon, nanaghiusa mi tanan.
Category: Bisaya | 27 Comments »
