bratatattatattt…ingon ani ang nahitabo.
Adtong dominggo sa gabii, good wifey kaayo ko kay nag grilled ko ug salmon fish kanang intero jud nga isda, dako kaayo.
Ingon ko ni vana, vana mag dungan ta ug panihapon kay lami kaayo atong sud-an. Ni tubag man kaha siya nga…ubanan ta lang ka sa lamesa kay inig human nako ug biking ayha ko manihapon. Sa iyang tubag hapit na niulbo akong kaspa pero hangyo gihapon ko nga.. dili diay pwede ug ugma kana mag biking? Tubag pa jud siya nga…DILI!
Sus didto nag asu-asu akong dalunggan ug niulbo na akong kaspa sa kalagot kay wala ko niya gi pag bigyan! pwerte nakong hilak nga murag bata aww… murag baka diay kay tiguwang naman ko. Sa dihang nag hilak nako ug nag boto-boto na ang mga pwertahan, ayha pa siya ni ingon nga…OK, OK I’m sorry ugma nalang ko mag biking mag dungan ta ug panihapon ron.
Pero wa na, habagat na kaayo akong ulo, ulahi na siya, di na pwede maulian.
Dali dali ko ug naog adto sa garehe kay padagan balag diin aboton ug drive, pero bisag mag hilak ko mag drive maka tunong baya pod ko di pod nako ibangga sa punuan sa kahoy ang sakyanan uy. Sus nailog man na niya ang yabe, ingon niya nawad-an na kono ko sa panimuot kay mag drive nga buntit unya naghilak. Nisamot akong ka pungot, ang allergy sa akong tiyan akong paminaw murag nahimo nang kagid tungod sa akong kalagot.
Sulod bitaw ko sa iyang mini ofis dire sa balay, gi bagyo nako, tanang nakita hala balibag. ang flat monitor lang ang wala nako nabalibag kay akong huna-huna, ahak regalo ko raba ni sa iya sayang pod ug mabuak.
Pwerte na niyang pamuyok mura pod ug toddler ang iyang gi puyok. Dili kono maghilak kay ma apektuhan ang babies. Ay di matabang pwerte jud nakong lagota, ngano bitaw.
Tungod sa iyang karatol kay mura naman ko ug irong buang, nanawag siya sa UN envoy (iyang parents) Pag abot sa peace keeper sa balay, nag pakilooy, di kono mag ana kay maapektuhan ang babies. Gi husay ming duha ni vana, shempre kinsay sayop alangan ug ako. Naulian ra sad ko kay ako may gi labanan. Da wa siyay dag-anan. Feeling pod nako sa akong tiyan murag nag kungfu fighting pod akong mga anak kay mo lihok naman sila.
Gahapon ug karon dia si vana sa balay, wala mo trabaho. Hadlok siya basig wala pa nauli-an akong pagka yabag. Pero ulian nako uy,nag huna-huna pod ko sa akong mga anak. Sa karon, medyo amigo amigo nami gamay pero naa pay singka panagsa.
Haay buhay sa kaminyoon, murag iring ug iro. Wala jud siguroy mag tiayon nga di mag away noh?!
ganahan ko mag tan-aw sa imong site nga pixel ang header ug kay kitty’s Haven. C ate Carlota iya nko gihimoan sa iyang duha ka Graphics header ug grabe ka cute, as in! Ang graphics nko nga header sa An Endless Words of Mine nga site ug Silkroad Online Blog nko. Salamat kaayo ate Carlota.. mwahh mwahh..maoy nakapanindot ug samot sa akong blog ang header nga gigama ni ate carlota. Okay ra maski kanus-a nimo himuon te as long as your not busy anymore. 
Excited na bya ko makakita sa baby twins sa bisdak planet family 
