MEDICAL MISSION / OUTREACH
August 25th, 2007 by Norwin
edit by Choco: mga kahigalaan atong suportahan ang misyon ni Dr. Norwin. Dugay na bay ani nako na huna-huna-an remember Lolli?
Nag create ko account sa paypal para kung kinsa to naay kalooy bisan ug gamay lang palihug lang ko ug padala using paypal at this address: bisdakplanet@gmail.com. ayaw kabalaka every single penny na ma donate nato akong ipakita kaninyo tanan. Monday mo open ko ug bank account para sa BISDAKPLANET. I know late na mi approach si Dr. Norwin atong lang paniguro-on sa atong makaya na masurportahan ang iyang misyon. Ang Gino-o na lang ang mag balus sa tong kaayo. God bless natong tanan!
August 25, 2007
Dear kahigalaan,
Kumusta na mga Bisdak?
Ania ako karn, nangaliyupo na inyong tabangan.
Mo uli ko karon August 30, sa amoa sa Talusan, Zamboanga Sibugay.
Isip usa ka thanksgiving sa ako mga kababayan, magahimo unta ako ug usa ka MEDICAL MISSION o OUTREACH sa amoa.
Ako nagahangyo sa inyong mga malumo nga Kasingkasing, nga kung aduna kamoy mga tambal na ikahatag para bata ug dagko, ako unta pangayo-on.
Kung wala man gale, pwede in cash or in kinds, ako na lang ang mopalit sa mga tambal.
Sa usa ka medical mission na ingon ani, gikinahanglan kaau ang mga VITAMINS, TAMBAL SA UBO, MGA PAMPURGA, ANTIBIOTICS, TAMBAL SA HIGH BLOOD ug uban pa…
You may send any amount of donation thru WESTERN Union Money transfer.
Here’s my complete address:
Dr. Norwin Armilla Detalla
223 Greenside St., Hipodromo,
Cebu City, Philippines
6000
If ever naa mo donation, pwede before the 30th of August para naa pa ko time pagpamalit sa tambal. Sorry kaau for this very very short notice. But i think naa pay panahon. Just email me nya ur complete name, contact number, address, and the Money Transfer Control Number (MTCN) na makita sa inyo resibo, western might need it inig kuha sa donation.
Isip pagpasalamat sa inyong mga tabang, ang inyong mga ngalan maapil sa lista sa mga donors.
Ako nagalaum sa inyong tabang mga higala para sa malampusong medical mission…
Tabangi ko ninyo ug ampo na magmalampuson kini nga tinguha.
GINOO na lang ang magbalus sa inyong kaayo.
Salamat daan…
Ang inyong higala,
-NORWIN/BINGBONG-
norwindetalla@yahoo.com
+639162910551
pictures of the event will be posted here…soon…
This entry was posted on Saturday, August 25th, 2007 at 2:07 pm and is filed under Bisaya. You can follow any responses to this entry through the RSS 2.0 feed. You can leave a response, or trackback from your own site.
maayo ni nga plano nimo dong Norwin kay dako jud kaayo ning katabang sa mga bata labi na jud tong kulang sa sustansya.
Hinaut ko dae lolli na matabangan ko nimo ug gather sa funds ning akong plano…
kung naa pa ko diha dong bingbong, tabang pod ko ug serbisyo, way bayad lang ako serbisyo, doktor ug nurse tandem
ok kaau loy…
sagdi inig uli nimo dinhi… outreach nya ta ha….:)
Akong opinyon aning imong pangaliyupo dong Norwin;
Mao ni:
Unsa kaha nga katong mga malumong kasing kasing nga members dire sa bisdakplanet, mag donate bisag 5 dollar lang gud - unya dayon kadakatapusan sa bulan e send diha kanimo sa pinas.
Bali naay usa ka myembro nga adunay paypal ug didto nato e donate ang maong amount, akong usbon balag pila lang gud inyong e donate bisag kaisa sa usa ka bulan. Kay kung mo uyon mong tanan kung matingob sa ang inyong e donate sa paypal dako na baya nang katabang bisag pang vitamins lang.
Gusto unta ko mo boluntaryo nga sa akong paypal e donate unya ilista ko lang ang mga pangalan sa mag donate, kaso lang dire sa Luxembourg dili man gud pwede ang paypal nga himoong cash, bali magamit mo lang jud sa online, unlike sa USA nga pwede nimo e change ug cash ang paypal diha diba? Kinsay taga USA nga mo bolunter nga siya ang mo keep sa mga donation unya mao poy mo hulog padulong pinas via western union.
mo SUPPORT ko ani Lolli… I can do it thru paypal puede ra sab ta mo open ug paypal para jud sa bisdakplanet ug ako mo boluntaryo ug open ug account 25 dollar puede naman ko maka open ug bank account.
Kahinumdum ka sa akong plano atong una about ani nga misyon? Kung buligan sa Ginoo na mag malampuson ni nga misyon nindot na each member kung asa ilang city or baryo atong matabangan para FAIR sa tanan.
Dili lang western union atong gamiton kay mahal kaau naa man lain diri na barato.
Kung kinsa ang interesado bisan pila lang gud.
Salamat sa pag abli ani nga misyon Dr. Norwin.
thank you sad choco sa intention sa pagtabang…
ayaw tawon ng western union
mas maayo na kay mahal kaayo ang western union
hi lolie,
ingon pod ana diri a germany, dili pwede nga ang cash sa via, ma cash in MOBEY_CASH,,,,,,,,,kung dili pambayad ra gyd…
i mean dili makuha, sa CASH………..
SAkto ni, via paypal aron barato or wala tay charges kung mopadala or bayad ta…
via, Western kay 17-21.00 euro ang bank charges nila, kadiyot ra noon, madawat ang money,,,,,,,,pero sayang man dili ba?
maka palit na ni ug Vitamins pod….
Magkahiusa ta, through this maka tabang pod ta sa atong kagikan, dili ba?
sory naunsa na man na pagka sulat, sabta na lang nyo,
ambot asa ako reading glass, nalimot ko asa nako na sundot…….
happy sunday na lang nyo tanan……….
Bisag gamay lang atong matabang dako na baya kaayo nang grasya.
sakto ka dong Norwing, GINOO na lang ang magbalus sa inyong kaayo. Kung atong huna huna nga ang imong e donate para nalang sa imong pamilya sa pinas, usbon ko bisag gamay lang nga amount para ani nga misyon ni dong Norwin,.
Ang blessings nga e balos kanimo arang kadaghan, labi na jud sa atong mga pamilya sa pinas mag doble ang blessings ang moabot usab kanila.
manawagan pod ko sa tanang gwapo kay ako pod nga tabangan…hahhaah
Balag di ninyo ni basahon kay eninglish balag karatehon ko ni rayna hehhehe
God is soooo good and I am overwhelmed by all the amazing things He is doing in my life and the lives of my friends and family.
Sakto ka Lolli…
He is really gud kay gpa pasar mi niya tanan sa boards…
Walay nagsakit ni usa sa ako mga batchmates…:)
As part of my pasasalamat ni GOD, mao ni mga medical mission na pagabuhaton nako sa amoa…
hinaut unta na magmalampuson kini…
Good luck and more, more lucks, Dr. Nortella.
God bless you………and your mission malamposon……
murag mana man ko nicomment ani
Basig kaingon mo nga juicenon ko hehehe
naa lang koy kasing kasing nga sayon ra kaayo tandugon, char! balak si lola.
Bitaw sa tinuod lang, mo too jud ko ug grasya, naa bitaw na sa kanta nga “count your blessings name them one by one” bitaw blessed kaayo ta nga dia sa abroad, malay nato ang atong matabangan ilang sud-an kanunay, (target) kaila mo ug target? kanang asin ba, kay igo ra man na targeton sa kutsara pilit dayon hehehe, sus kung target kanunay sud-an kulang jud sa vitamins.
maayo nalang mahatagan ni dong Norwin ug bitamina diba?!
Mao na giingon na, “share your blessings to the less fortunate and the more you give, the more you will receive…”
ikaw kanunay ang targeton day ethel
Hinaut maningog ang ubang myembro dire aron atong mahibal-an ug uyon ba mo o basig adunay moy laing idea kung unsaon nato pag tabang kining pangaliyupo ni Dr. Norwin.
E share nalang sad inyong mga idea dire kung unsang pamaagi nga matigom atong pag donate, kay lisud baya sad nga mag tag-sa tag-sa ta ug padala via western union ngadto kang Norwin. Alangan mag send ta ug 2 dollar sa western union hehehe
Ang mas nindot usahon nato ug padala aron usa ra sad ang bayad pag hulog, unya matigom pa dili ra sad kaayo bug-at.
adto lang na mapunta sa western union
Happy weekend diay sa tanang bisdak!
Layo nako sa kritikal nga maka lukdo sa rayna. LOL
kung wa pa lang nanakit akong kigol dire, ma apsan ko sad nang points anang raynaha na. Galing mo exit sa ko kay nanginit na akong lubot.
baya ni siya, init balik nimo ikaw nay makalukdo
Kinahanglang ang Rayna dako nang iyaha kay Rayna gud nyahahahahaha…….
Dapat lang jud…
buotan kaau si juicy uy….
ayaw pud nang ngalan uy ma-ikog sad ta ana da makita atong amount na jutay kaau hehehehe
mau-law ta makita atong 1 pound na donasyon basin maka ingon ka kuripot ni manding haze lol
bahala na gud basta kinasingkasing…
mo work nani nga paypal sah?
dili man siguro ingon ana, Haze,
ang importante nga kinasing-kasing nga hatag……
unsaon man ang dako nya bug-at diay sa boot, di ba wla na grasya?
bisan 1 cent, basta kinasing-kasing….
asa man gikan ang Euro dili ba sa Cent?….lol
mao pud bon hehehe
akong ingnon ang uban pud me sama nila Angie, Janine, Ivy ug Anne kay cguradong mag donate ning mga bayhana kay mga kind-hearted ni sila hehehehe
maayo unta…:)