Bisdakplanet.net

mga higala mao diay ni ang website ni nice kadtong bag-ong myembro dinhi sa atong planeta….ako ra iya gipa malihog kay dli pa man siya kamao mo log in dinhi. daghan salamat

palihog lang unya ko bisita ani niya click dinhi

Akong gikuha akong pangging sa iya office didto sa The Fort, Taguig gabii, taympa mura’g sayop akong termino nga gikuha dah kay wala man to nako gibilin didto! Ah basta kamo nalay sabot..

Nihapit mi sa Flip Flop para mopalit og havaianas nga tsinelas kay mangatol kuno iyang lapa-lapa kung dili havaianas ang iyang tumbanan (char uy~). Pagkahuman namo’g palit, mura’g nadunggan nako ang akong mga bitok naghinunghungay, “boss, kanus-a pa man mo mangaon uy”. Busa pagbalik namo padulong sa Market Market, nidiretso mi sa Seafood Island Restaurant. Nangutana akong pangging, “diri ta mangaon?”. Yuna pa, tagalog akong pangging ha pero ako lang gibinisaya. Wala ko motingog, diritso lang mi sa sulod. Pagtan-aw nako sa menu, ang presyo sa ilang good for 2 ka tawo kay P545, ang good for 3 kay P585. P40 lang ang diperensya, adto nalang ko sa good for 3. So mao to akong gi-order. Natingala intawn akong pangging pag-abot sa pagkaon.

Akong gi-ingnan akong uyab nga magpahulagway usa mi atubang sa pagkaon para naa mi handumanan ba nga sa kadaghan aning pagka-ona, kami rang duha ang mohabhab..

Pagkahuman namo’g kaon, mura’g gi-agian og bagyo signal number 99 ang among lamesa.

Kaduha jud intawn ko nagpa-refill og ice tea sa akong baso, bale tulo ka baso akong na-inom. Pwerteng busuga jud nako gabii. Niadto ko sa lababo aron manghugas sa akong kamot nga nanimahong kasag og pasayan. Sa akong pagbalik, giingnan ko sa akong pangging nga nadunggan kuno niya ang mga tawo sa sunod lamesa nga naa sa iyang luyo nga niingon, “Ah, grabe nang duha sa atong atubangan. Grabe moda’g lamoy. Nakainom pa man sad ang lalaki. Grabe’g bodega nang tawhana!”. Sa kauwaw intawn sa akong pangging, wala nalang siya moinom og miadto siya sa lababo aron sab manghugas sa iyang kamot. Unya akong nadunggan ang mga tawo sa sunod lamesa nga naghinunghungay, “hehe, ang babaye jud wala na kainom kay wala nay kasodlan!”

Inatay, wala gyud mi’y lusot duha. Maka-inom man o dili naa pa gihapoy negatibong isulti ning mga himantayon. Akong gisumbong sa akong pangging, iya nalang giyarok ang ice tea nga naa sa iyang baso og nagpadungog-dungog, “at least wala ta mangayo o mangawat para bayad sa atong pagkaon!”. Nibarog mi sa among lamesa og naglakaw mi padulong sa atanganan sa jeep padung pauli. Sa among paglakaw, niingon ang akong pangging, “hon, nganong imo man kong gi-date karon nga sa 9 pa man atong monthsary, October pa sad atong 2nd anniversary.” Akong tubag, “sus, ganina unta ka nangutana nga wala pa ko kagasto!”. Nitubag sab siya, “unsa imong plano sa atong monthsary. lami-a sa kaon nako uy. karon pa ko kakaon og ing-ato ka daghan!”. Ako nalang siyang giingnan, “magtinan-away nalang ta sa atong monthsary! hehehe“. Nibaws sab siya, “ay bati-a. pero ok nalang. advance celebration nalang ni nato.” Ako siyang gihung-hungan, “mas lami pa atong kan-on sa atong monthsary labi na sa 2nd anniversary nato!”.

Pagsakay namo sa jeep, sa dihang nakalingkod na mi, kalit lang ko niyang gikurit og nipis kaayo. Pwerte ra ba jung sakita. Niingon ko, “nganong nangurit man ka pwerte ra bang sakita!?“. Hehehe, iyang tubag, “ingon man ka beh nga mas lami pa atong kan-on. bastos!” Pero nagngisi ang akong pinangga! hehehehehe

Pero botbot ra tong naghinunghungay nga mga tawo sa sunod lamesa ha!! Puno-puno lang to nako para molami ang akong istorya diri bah..