Usa ka higayon, padulong ko sa opisina nakita nako si ate Fe nga nag tungko intawon. Ug sa dihang namatikdan niya nga adunay tawo ni tindog kini ug kalit. Uy, ate Fe ikaw diay kana nganong nia kaman nilayas ka sa imong amo unsa may hinungdan? Kanang kuan mam… sa nag kurog niyang tingog. Ayaw ko ug tawga ug mam kay tugkan ta ana ug sungay, tawga ko ug Lollipop, hala dali dire ate Fe, sulod. Akong gipasulod ug gipalingkod.
Si ate Fe usa lang siya ka sulugoon, minyo kini ug adunay pamilya nga gibuhi sa pilipinas ug naay anak nga gipa eskwela.
Sa dihang pag lingkod niya, kanang mam… ayaw lagi ko ug tawga ug mam, aw kining dae Lollipop naa kay makaon gi gutom kaayo ko kay sukad gahapon wala koy kaon. Kalooy sad nimo, sige mamahaw tang duha. Timing pod kay sa opisina ko tig pamahaw kay pwede man magpa deliver, pero ang pamahaw kabus(arabic bread) gibutangan ug cheese paresan ug gatas sa camel, mao ni nga pamahaw ang akong naandan didto kay tapulan lagi mo luto.
Sa dihang nag kaon ming duha ni ate Fe, ako siyang gipanguta. Nganong nilayas ka sa imong amo ate Fe?! kanang kuan man gud dae Lollipop, inig naa na sa trabaho si madame unya si sir pod, mo kalit ra man gud ug uli akong amo nga lalaki unya usa ka higayon niuli siya ug nagpahimo ug kape, sa dihang gi hatud ko ang kape kaniya, ni ingon siya nga masahion ko daw siya, unya gipakita niya iyang luso. Unya nidagan ko ug nanirado sa kwarto. mao kini ang sulti ni ate Fe samtang naghilak nga nagkaon.
Busa dae lollippop dire ko nipaingon sa agency kay sayod ko imo kong matabangan. Maayo ate Fe nga naka huna-huna ka nga dire ka nipaingon wala ka nag TNT, ayaw kabalaka tabangan tika. akong tubag.
Adtong higayuna, naglibog ko ug unsaon nako pag pangatarungan sa akong amo (tag-iya sa agency) ug labaw sa tanan sa amo ni ate Fe. Sa dihang nanawag ang amo ni ate Fe sa opisina, isog kini kaayo kay ang iya lagi nga katabang nag run-away ngano daw gihatagan ko sila ug housemaid nga dili gusto mo trabaho. Ingon ana ang mga arabo, ipag sayop tanan sa katabang ug sa agency, ako permi ang malasdakan, kasaba sa mga salbahis nga employer ug kasaba usab sa akong amo ang akong sagubangon kung naay problema sa mga workers.
Pero sa akong pagka ako, dili ko sili sibugan basta naa ko sa katarungan. Ipakita ko sad kanila ang akong kaisog bisan tuod nag kurog akong tuhod sa akong pagka talawan. Nakuha nako ilang baho kong isog ka ug di papilde mo respitar sila kanimo. Singhagan ko na singhag man pod ko.
Pag-abot sa akong amo (tag iya sa agency), nakita niya si ate Fe ug gisulti nako ang problema. Dili mo too ang akong amo kay arabo kapa usa ra na silang tanan ug pangisip. Aron masulbad ang problema ni ate Fe, akong gitawagan ang iyang amo ug timing nga ang lalaki ang akong naistorya ug sa way lipod lipod ako siyang gi ignan sa iyang pagka hayop sa gibuhat kang ate Fe. Dili man kini moangkon, apan akong gipa sidan-an makuha lang nila ug balik ilang katabang kong moanha silang mag tiayon sa opisina aron usab akong ipahibalo sa iyang asawa, ug unsay iyang gibuhat kang ate Fe. Sa kanunay bundak lang sa telepono akong madawat, sakit baya sa dunggan. Mga salbahis jud dili maminaw sa rason.
Tuod wala kini nitunga, ilhan jud nga sad-an. Ug tuod gipangitaan ko si ate Fe ug laing employer. Gi swerte siya kay naay magtiayon nga British nangita ug pinay nga katabang, gusto nila ang pinay kay aron magka sinabot daw sa ilang anak, kay pinay ra baya ang maka sulti ug english, talagsa ra kaayo ang ubang katabang sama sa indonesian, Srilankan, bangladesh, nepal, India nga mag spoking dalar.
Ug mao to malipayon si ate Fe sa iyang British nga amo kay naa pa siyay day off kada semana. Ang di nako malimtan sa iya, inig iyang day off mo bisita siya sa opisina ug magdala intawon ug pagkaon. Iyang mga balita naka graduate na daw iyang anak sa high-school ug mag college na. Siguro humana iyang anak karon ug eskwela.
