Bisdakplanet.net

Kay lagi ako naman nasugdan, akong ipadayon ang akong sugilanon sa kinabuhi,.. Sakit preskuhon ang maong samad nga nag padulong na unta sa pagka ulat. Apan kining
bulana (Hulyo)…

Ang sumpay sa niagi…
“Expect the worst and hope the best” mao kini ang akong hinagiban sa akong pag pang langyaw ug panarbaho. Sa Dubai malipayon akong nahiabot aning lugara bisan nag patigbabaw ang akong dakong kamingaw ngadto sa akong pamilya, pero gi antus ko kini.

Gi swerte ko sa akong trabaho tungod buotan ang tag-iya sa kompanya, mag igsoon nga arabo, usa ka minyo ug usa ka ulitawo.

Semana ang nangagi, unang sulat nga akong gipadala sa akong pamilya. Sulat sa kamingaw ug ikalipay usab nila tungod kay nabutang ako sa maayong kahimtang sa akong trabaho. Ug mga pahimangno sa akong inahan nga likayan ang iyang pagka himarat tungod lagi kay hayblaron kini siya.

Ug sulat ko sad ngadto kang macho man, dako ang iyang pagmahay ngari kanako. Apan sa akong sulat, adunay mga rason nga iya sad kong masabtan. Ako usab siyang gi agni nga pangitaan ko siya ug trabaho sa Dubai isip usa ka nurse, ug gipasabot ko siya nga mas sayon mag migrate kung mag gikan sa Dubai padulong canada o US.

Dear manag, mao kini iyang mga tubag…
“Dili ko gusto sa Dubai kay mahadlok ko, delikado ang middle east. Dire nalang ko mag gikan sa pilipinas padulong sa Canada kay dali ra man sad”. Sa akong pagbasa sa maong suwat, napungot ako kaniya tungod sa iyang pagka talawan, nga unta andam akong mo tabang kaniya. Dako ang akong kahiubos ug nawad-an ko ug gugma kaniya. Ang among panag uyab pinaagi lang sa sulat, dali ra usab diay kini makalimtan.

Pila ka bulan ang nangagi, mga sulat nga akong gipadala ngadto sa akong pamilya bisag usa walay balos gikan kanila. Akong mga long distance call, apan ang pinangga kong inahan ang kanunay di nako maka istorya, sukad nga nahiabot ako sa Dubai. Matud nila anaa kanunay sa bakasyon ang among pinanggang inahan. Read the rest of this entry »

Mga higala atong sugaton sa mainit (makapaso jud ha ) atong bag-ong meymbro. Maayong pag-abot ninyo diri Joy, Rain & Alvin. Ayaw mo diri kaulaw kay puro mga boutan ang mga tawo diri ug wala pa jud mga libong … alang miagi naman kalibog. hehehe .

Your full name: Love Joy
Your nickname: Joy
Your place in Philippines: Cebu
Your present country: Switzerland
How did you hear about us: internet
Do you have a website: Yes
What is the url: www.joyhuber.blogspot.com
What is your motivation to join bisdakplanet: meet friends, and I enjoy reading
esp.the jokes here. (ug makawagtang jud sa kamingaw sa mahal natong Pinas, diba?)

Your full name: rain pardillo
Your nickname: rain
Your place in Philippines: cebu (asa ka sa Cebu Rain?)
Your present country: philippines
How did you hear about us: nice
Do you have a website: No (panday ug dali-dali Rain…ayaw kaulaw kung magpatabang ka kay naay daghan diri mopanday way bayad )
What is your motivation to join bisdakplanet: to be fun of and to be happy when im sad.

Your full name: alvin john
Your nickname: alvin
Your place in Philippines: cagayan de oro city
Your present country: philippines
How did you hear about us: from the blog site
Do you have a website: No (nagsugod naka ug panday dong Alvin? Hala dali-a para maka bisita mi. hehehe)
What is your motivation to join bisdakplanet: i like the stories shared by the
members and to gain more friends.

PAKAPIN:
Para ni nimo Haze.
Gugmang Giatay … Bisaya Disco Remix (type ko lang ang beat sa remix Gugmang Giatay … nahan kaau ko.)

[edit by: choco ... ingon man si Shawn na nindot ni basahon na naay tukar sa Gugmang Giatay]

Usahay sa atong kinabuhi, naay mga panghitabo na dili gyud nato malikayan. Usahay, maingon nato sa atong kaugalingon na kita na ang pinaka malas nga tawo na nabuhi tungod sa kapit-os nga naagian. pero nganong ingon ani man? Nganong sa dihang nahigugma na unta ta nga putli ug matarong, dili man mo uyon ang higayon?

Diay usa ka sugilanon nga paningkamutan nako tagaan ug hustisya pinaagii sa pag pahibalo usab sa inyo isip tig basa dinhi. Ug pagkahuman, manghangyo pud ko gamay na ihatag ang inyong bulawanong mga pagbansay sa mga panghitabo sa istorya. Kini nga istorya mugna ra kini sa akong walay mabuhat nga huna huna, pero sama sa inyo, nasayod ako nga dili kini talagsaon nga istorya, ug dako ang posibilidad nga nahitabo usab kini sa atong mga kaila, ug basin, namasin lang, nahitabo usab sa mga tawo nga hilabihang duula sa atong kasing kasing.

I-andam ang panyo o dili kaha labakara unya kapi sa kilid, asukari gamay, kutawa sa makadaghan… ug mao kini ang sugilanon.

Nahinumdom pa ko sa gagmay pa ming bata ni juliet. Sigi lang mi ug dula didto sa bungtod mga tunga sa kilometro ang kalay-on gikan sa among balay sa probinsya. Daghan man gud mga tanum nga bulak didto ug lami kaayo ang hangin labina ug mga hapon, dayong pag naug sa adlaw. Makita usab nimo ang kanindot sa lugar nga diin paminsar nimo naa ka sa tumoy sa bukid naglantaw sa katahom nga mugna sa ginoo. Perminte gyud na. hulaton namong duha ang pag kanaug sa adlaw, inubanan sa pag pahibalo sa matag usa sa mga pangandoy sa kinabuhi. Ang katam-is na mga pahiyom, inubanan sa kahumot nga buhok nga lupadluparon sa hangin, dili nako malikayan ang malipay nga sa kadaghan sa kaila namo, ako gyud ang nahimong duol kaayo kay juliet. Ug didto sa bukid, matag hapon, ang mga bulak sa kilid, ang nahimong saksi sa kalipay ko nga dili masukod.

Gusto niya mahimong nars. Gamay pa mi mao na gyud na ang iyang damgo sa kinabuhi. Sa matag higayon na iya kining balikbalikon pag sulti sa ako. Makita sa iyang mga mata ang sensirong pangandoy nga ugma damlag, mamahimo siyang inilang nars. Naandan na namo nga sa pag kahanaw sa bidlisiw sa adlaw inig hapon, didto sa tumoy sa bungtod, ang pag syagit sa among mga pangandoy ug pagsalig nga kining tanan matuman pag abot sa panahon.

Classmate na mi gikan pa sa grade one. Hangtud nga nahuman mi sa high school. Tungod kay duol ra pud ang among mga balay, kuyog mi permanenti padulong sa iskwelahan og pauli. Halos ang batan-ong kalibutan namo kay ga tuyok ra sa among duha. Maskin pa nga naa pud mi lain nga mga higala, kami ra gyud ang nagpabilin na nilungtad sa pag labay sa katuigan. Walay mga butang nga ikalipay niya nga wa nako mahibal-an, susama nga walay ikasubo niya nga dili niya maingon sa akoa. Maskin ang mga ginagmay na butang, nga siguro walay bili para sa uban, malambitan namo ug ikalipay na namo dayon. Kapila na kahigayon na mahisgutan namo ang buslot nako na karsones na uranay, ug dili gihapon ko mapul-an sa iyang agik-ik ug pag saway nganong sigi gihapon ko suot ato nga buslot man ang sa may tuhod dapit. Ug walay igong kasuldan ang akong kalipay nga sa dihang usa ka domingo samtang nagtan-aw ko ug basketball sa sentro, niadto siya sa balay namo ug iyang gitahi ang paborito nako nga uranay na karsones. Nahibal-an ko na lang pagkasunod nga adlaw. Kay nakaipit sa karsones ang iyang suwat.

Sawn, ako na nang gi tahi, nalooy na ko sa imong tuhod, permi mainitan kay buslot man imong karsones. Ngil-ad man gud kung mag short ka. Kay kabang na imong tuhod. Ampingi baya. Natuslok baya ang akong kamot pag tahi ana. - juliet

Sa akong kabahin pud, wala poy gamay na butang bahin sa akoa nga wala nasayod si juliet. Sa mga higayon nga gapas-an ko ug problema, andam perminte si juliet nga maminaw, mo sabot, mu tambag gamay. Ambot ngano, kay basta si juliet ang akong kauban, mahanaw dayon ang mga kaligutgot nga akong mga pamati. Mabatian dayon niya kung naa koy problema, sa gamay lang nako nga lihok, masayran na niya na naay problema ko nga ginapas-an pas-an. Tanan nako nga pangandoy ug kalipay nasayran na ni juliet, apan ang kalipay nga nitubo sa akong kasing kasing, ang kalipay nga gipanday sa mga higayon na anaa siya sa akong kiliran, kini siguro ang wala pa nya na sayran. Ambot ngano. Pero dili gyud nako masulti sa iya nga hilabihang importantiha siya sa akong kinabuhi, nga hilabihang taasa sa akong pag higugma sa iyaha.

Kung nalipay man ming duha sa dihang ni graduate na mi sa high school, mas dako ang among kaguol. Kay sa manila na siya patunghaon sa iyang pag college. Samtang ako, didto pud sa syudad sa davao ipadayon ang akong pag iskwela sa college. Sa disperas sa iyang pag lakaw pa adto sa manila, didto ming duha sa bungtod. Ug among hi handuraw ang mga kagahapon nga among natahi diatong dapita. Murag kanus-a lang nga didtong dapita gipaak sa hulmigas ang akong gikamatis nga bag-ong tuli kay galingkod ko sa sagbot na sanina ra ni papa nga hastang dakoa ang akong suot. Syempre kay bag-ong tuli wa pud ko nag short. Grabe ang kaluspad ni juliet atong higayona, di matungkad ang pangulba kung naunsa nako. Nag panlingo lingo nalang ming duha samtang nalakbitan kadtong higayuna sa among kinabuhi. Tinuod nga dili mabayran ang kalipay sa usa ka tawo uban ang iyang hinigugma.

Ug tungod kay kadtong adlawa ang katapusang adlaw na panag uban namo, ug kung magkita pa mi pag usab murag madugay dugayan pa, nasabutan namo nga mag tanum ug mangga didtong lugara. Para mag pahinumdom kanamo sa matag usa. Ug puhon nga mamunga na negosyohon na lang pud namo. Akoy nag kalot sa tamnanan, ug gigunitan namong duha ang liso sa mangga ug nitan-aw mi sa matag usa sa makadiyot. Mipahiyom siya sa ako. Ako pud sa iyaha. Ug amo ng gitabunan ang liso sa mangga inubanan sa pag ampo na mudako kini ug magpabilin kining magtindog sa daghang katuigan.

Samtang naa pa ko sa college, sige ang among pag sinulatay, pag balita sa mga bag-ong panghitabo sa among kinabuhi. Sa dihang nag trabaho nako. Naundang na ang iyang pag balos sa akong mga suwat. Wala ko kabalo kung unsa ang hinungdan. Dili na nako mabilang kung pila na ka suwat ang akong napadala nga wala na mabalsan. Tuig ang nilabay pa. ug ako nag paabot lang gihapon sa iyang pag tubag sa akong mga suwat. Usa ka adlaw…

Sawn, Nanghinaot ko na kalimtan na lang ko nimo. Taas na panahon nga wala ta nag kauban. Ug naa na koy lahi na kinabuhi diri sa manila. Managhigala pa gihapon ta. Pero mas maayo na dili na ka mag suwat kanako. Unta masabtan ko nimo. Buhata kini kay kini ang makapahimutang kanako. Pangitaa ang imong kalipay sa imong dapit. Kay ako nalipay na pud diri. Ang imong padayon nga pag suwat ang makapahugno sa akong panghuna huna. Sawn, lahi na ang akong kinabuhi, ug dili na susama sauna. Huna hunaa lang na wa ko nahiubos kanimo. Ug dako ang akong pag pasalamat sa ginoo na sa akong pag abot diri sa kalibutan nailhan taka. Magpabilin kang akong hugot na higala sawn, sa tanang panahon. –juliet.

Wala ko kasabot ngano. Perting daghana nakog pangutana. Nganong ingon ani man? Pagkapait nga pamalandungon. Wala man lang nako nasulti sa iya nga siya ra ang gipitik niining kasing kasing. Wala man lang nako nasulti sa iya na kauban siya sa tanan nakong damgo. Nga siya ug siya ra ang akong gina huna huna matag adlaw. Nga siya ra ang hinungdan nga nabuhi ko niining kalibutana.

Naglagot ko sa akong kaugalingon. Napungot ko sa wala pag hatag sa ako ug higayon nga pakigbisugan ang akong pag higugma kaniya. Nawad-an na ug bili ang akong kinabuhi niadtong higayuna. Murag gidat-ugan ko sa kalibutan. Mauna nahuna hunaan nako na mag trabaho nalang sa langyaw para kalimtan ang kapait na natagamtagan gikan kay juliet.

Tulo ka tuig ang nilabay, usa ka sulat ang niabot sa opisina sa akong gitrabahuan. Gikan kang juliet. Natingala ko. inubanan sa kalipay na maskin sa mga panghitabo, wala gihapon ko niya hikalimti.

Sawn,

Sa pitsa dyes sa september, sa birthday nako. Gihandom nako na makaadto ka sawn. Wala pa ko nag hangyo sa imo nga wa nimo tumana sawn. Unta kining panahuna susama gihapon sa una. Unta dili nimo pakyason. Dugay na nakong gihandum na makit-an taka pag usab. Pasaylu-a ko sa mga higayong napasakitan taka sawn. Palihug, ayaw ko pakyasa sa gihangyo nako sa imo karon. Gusto nako na I celebrate ang akong birthday didto sa lugar sa atong pagkabata sawn. Hulaton taka dito sa bungtod. Sa punuan sa mangga. Ug didto sa punuan sa mangga nga gitanum natong duha, didto nako isulti sa imo ang mga pulong na dugay na nako gustong isulti sa imo. –juliet.

Nalipay ko. ug magkita nami pag usab ni juliet. Kumusta na kaha siya? Pagka daghan sa kinahanglan niya na tubagon. Nganong wa na siya musuwat? Unsay hinungdan? nobyembre ang akong bakasyon, giingnan nako ang akong boss na kung mahimo sa setyembre nako gamiton ang akong bakasyon. September 9 ko naabot sa pilipinas. Alas dyes sa gabii. Kinaugmaan birthday na ni juliet. Pero tungod kay bag-o lang ko niabot sa pilipinas. Nag lisod ko ug pananghid nga naa sa koy adtuon sa probinsya. Nag abot akong mga igsoon, mga ig-agaw, ug uban pa nga kaparintihan. Ug wala gyud ko naka adto sa probinsya sa birthday ni juliet. Sa wala pa nisubang ang adlaw, nisakay na ko ug bus. Namalit na ko ug mga paborito ni juliet na mga bulak. Ug sa dalan padulong sa among bukid, akong gihuna huna kung kumusta na kaha ang punuan sa mangga. Maskin unsa man ang sitwasyon, karon na gitagaan na ko ug higayon. Ako ng isulti sa iya ang akong gibati nga dugay na panahon nakong gi kopkop sa kaugalingon. Dili na nako palampason ang matag higayon para ipahibalo sa iya kung unsa siya ka importante sa akong kinabuhi. Kung unsa kataas ang pag higugma nako diha kaniya.

Udto na na niabot ko. dili nako masabtan ang akong kaugalingon. Halos daganon nako ang kasagbutan padulong sa ilang balay… ubos sa bungtod. Sa halayo nakita nako na daghan tawo sa gawas sa ilang balay. Huna huna nako garbo gyud diay iyang birthday kay lampas na ang iyang adlaw daghan pa gihapon mga tawo. Pero samtang nagka duol ko sa balay. Ni grabe ang akong pangulba. Wala ko kasabot ngano. Pero murag naay dili maayo nga nahitabo.

Nag higda na sa kwarto si juliet. Nga wa nay kinabuhi. Dugay na daw siya na diagnose na naay cancer sa atay. Niadto pang ga tungha pa siya sa college. Ug karong tuiga gitaningan na siya sa doktor, ug sa mga nanlabay na lima ka bulan didto na siya nag permaminti sa bukid samtang gapaabot sa iyang panahon na kuhaan siya sa iyang kinabuhi. Walay pakyas na matag hapon didto siya sa bungtod. Ug gahapon, sa iyang birthday, maskin nag lisod siya sa pag lakaw, didto siya nag pahulay. Gatan-aw sa pag ubos sa adlaw. Niingon daw siya nga muabot daw ko. kay wala pa koy gipakyas sa iyang mga hangyo. Mga alas sais midya nga napansin siya sa iyang pag umangkon na wa na nag lihok. Nag sandig didto sa punuan sa mangga. Igo lang gyud na nisawp ang adlaw.

Murag gikumot ang akong kasing kasing sa panghitabo. Nga sa katapusang higayon ako pa gyud siyang napakyas. Ug maskin unsa ka kusug sa akong syagit na gihigugma ko siya, nga gihandum nako ang higayon nga mag kauban mi pag usab ug dili na mag bulag pa. ug maskin unsa ka hugot sa akong pag ampo. Dili na ko niya madunggan.

Padulong pag salop sa adlaw, giadto nako ang bungtod, ang lugar nga perminti namo nga istambayan kaniadto. Lugar kung asa gi buy-an ni juliet ang iyang katapusang paghinga. Sa pag duol nako sa punuan sa mangga, naay gamay nga papel na nakaipit sa dako nga ugat sa punuan. Akong gi abrihan ug naay nakasuwat.

Dili na ko mag dugay sawn, paminaw nako diri nalang kutob ang akong kinabuhi. Buot unta nako nga personal nako nga isulti sa imo nga nagpasalamat ko sa ginoo na nailhan taka. Ug dili ko ikambyo maskin sa unsa pang mga butang sa kalibutan ang matag higayon nga nakauban taka. Sauna pa man sawn. Dako na ang akong pag higugma kanimo. Ug gusto nako ipahibalo kanimo na mag pabilin kang nag inusara sa akong kasing kasing. Wala lang ka nasayod kung kapila nako iampo nga ingnon ko nimo nga gihigugma pud ko nimo. Nag paabot ko sawn. Hangtud karon. Gihigugma taka sawn. Naguol ko kay wala na nako ma sulti sa imo nga personal. Maskin ulahi na ang tanan, ang importante nasayod ka. -juliet

Nagpabilin gihapon si juliet sa akong kasing kasing. Ug sa pag labay sa mga adlaw, matudluan ra pud nako ang akong kasing kasing sa pag higugma pag usab. Ug kung muaabot na gani ang higayon na mabati usab nako ang paghigugma. Dili na nako sayangon ang higayon.

-end-