Bisdakplanet.net

Gitagayan ko ni Genalyn myembro usab dire. Ga hipi hipi lang na siya dire lami bazzokahon. Mao na ni nga tagay…

4 jobs i had…
1. Secretary daw, pero inig mo type ko duha ka kulamoy sa tuong kamot ug duha pod sa wala bali upat ra ka kulamoy akong magamit sa duha ka kamot. Shalan nga lahi man to akong gi tun-an suana unya kay gi himo kog sexytary sa mga arabo. Ada wala man pod silay paki basta kabalo ka lang mo basa sa letra hahahha…

2. Housewife, ka kapoy ra sa trabaho sa housewife tig limpyo, tig plantsa. Unya ug kapuyon na mabanghagan si vana.

4 movies i watched over and over…
Nah, kaisa ra ko mo tan-aw sa salida uy kakapoy ra balik balikon.

4 places i’ved lived…
1. Bukindnon
2. Medina misamis or.
3. Dubai U.A.E
4. Luxembourg / Germany (karon)

4 TV Stations i like to watch…
1. MTV
2. CNN
3. BBC world
4. Prosieben (Germany)

4 Places i’ved on vacation…
1. Switzerland (di ko pul-an ani nga lugar bisan kapila nami balik balik)
2. Monaco (maka buslot sa bulsa ning lugara)
3. Austria (nindot nga lugar mao mao rag switzerland)
4. France (Paris, and south of France)

4 Of my favorite food…
1. Bulad (bisan unsang klase nga buwad basta dili lang tong kaputol ang ulo)
2. Litson( arang lamia)
3. itlog maalat unya naay kamates
4. mga utanon sa atoa, bisan kamonggay unya tanglaran payts na.

4 Places i’d rather be right now…
1. Dubai (kay ug wa nako minyoi si vana ma antik jud ko didto sa Dubai, di ko ganahan aning lugara kay permi panington atong bugan sa kainit.)
2. Canada
3. Australia
4. Philippines (ug wa naningpalad sa laing lugar, naminyo siguro ko ug manakaay sa lubi)

4 people that im gonna tag…
usa lang usa akong e tag aron di mag dungan ug post dire.
e tag nako si dae LOLOY, hala ikaw napod himo dae loloy dire lang e post aron among mabasa imong tagay. Unya e tagay nalang pod sa lain aron mao na pod ang mo post dire. Sumpay sumpay lang ta ani. LOL

haayyy…

kadugay sa oras mulabay
kadugay mapupos ang kagabhion
kadugay musubang ang kabuntagon
kadugay matubag ang mga tanghaga
kadugay maangkon ang katagbawan

nianang bintana
gisud-ong ang nanlabay’ng mga takna
nga way timik
naglaum nga makaplagan
ang lu-ag nga ganghaan
sa pagginhawa

ang pagkayab nianang kurtina
nagpasabot sa paghalok
sa huyuhoy hangtud
gaksun sa hangin ang kagubot
niining isipan
samtang ang huni sa mga langgam
nagduyan sa hilum.

Ay Kog Kablita

kay bisan gamayng kasikas nimo akong madunggan
anino mo palang mapukaw na ang akong kasibut
kay nagpasabot man kini nga haduol ka kanako
bisan di ka mutan-aw sa akong nahimutangan
kahibawo ko nga napamatian nimo ang pitik sa akong presensya.
apan bisan sa pag hikaw nimo kanako nianang pahiyum,
ania gihapon ko nagpahipi sa suok…nagsud-ong sa bituon nga mao ikaw.
wa ko nangandoy nga makab-ot pa tika
nasayud ako sa distansyang nagbahin kanato
kalipay ko na lang nga di ka mapapas sa akong kaisipan
kay ikaw ang nagpahinumdon kanako nga aduna koy napa-ambitan niining pagbati…

ayaw na paglingi…
dili na ko maglaum sa imong pagbalik
kay malipayon ka na sa imong padungan
ug malipayon usab ko alang kanimo.

Mga balak naggikan kay: Kurdapyos

Lotis/Ladygishi

Mga higala si Lotis taga sa Tagum City, Davao del Norte ug naa siya karon sa USA. Bisita nya sa iyang blogsite DIRI. ayaw kaulaw dire ha, tanan dire mga gwapo ug gwapang bisdak ug ilabi na mga but-an! :-).

*****
Englisera
Missing Filemon

pakapin nako:
bisita nya mo sa akong old blog akong giablihan ug utro kay apil ko nila na maka kuarta wink* mayna lang ba kapalit ug bahag. . bitaw oi ako lang i try. click lang DIRI. i’m still working on it.

Mga higala, gusto ko lang ipahibalo sa inyong tanan na aduna koy gigama na ad-free personal blog aron didto na lang ko ninyo bisitahon. Kabalo ko na nalibog namo kung asa ba jud akong blog ug ang uban wala na ganahi mosuroy sa akong mga payag kay mao lagi napuno na ug sponsored posts pero wala koy choice kay mao man akong panginabuhi ug kabalo ko nakasabot mo. Sugod karon, diri na lang ko ninyo bisitaha:

BLOGSILOG

No need to add me on your list kay kabalo ko hassle na kaayo na sa inyong part pero kung gusto jud ko ninyo i-add, awww pasalamat ko ug dako. Hehe. Love u all! xoxo