ako na sad puter…
May 22nd, 2007 by Lollipop
Una sa tanan muzta naman ang tanan dire mga inday ug dodong.
Pastilan nabanhaw na jud ko. Apan adunay pa gihapoy apan. tsk tsk…
Bitaw, sayod siguro ang uban dire nganong nawagtang ko sa kahanginan. Si dae Loloy ra diay ang naka dawat atong akong email, salamat kaayo sa inyong mabulukon nga pag huna-huna ngari kanako, sa tinuod sa dihang nabasa nako ang inyong mga komento nag abot akong luha ug sip-on. kaninyo higala dili ko nalang usa usahon ug suwat inyong mga pangalan dire kay mo taas na kining akong suwat dire, daghan kaayong salamat sa inyong kadasig nga pulong.
Adtong higayona, wala ko kasabot sa akong kaugalingon, gibasol nako pag ayo akong pagka ako tungod wala nako ampingi among kaluha. Tungod usab pila ka bulan busy kami ni vana. Taas na kaayo ug ako ta mong batbatan, basta…(i cry a lot)
sakit kaayo uy, (physical and emotion).
Di nalang nato to istoryahan kay mo tulo lagi dayon akong luha, ok nako dire pero luspad lang hapit nahubsan ug dugo.
Dae loloy salamat sa imong pagka mang hunahunaon, angay jud ka tagaan ug award (thoughtful award) bisag bagolbolan kaayo ka, ikaw jud ang pinanggang rayna dire sa bisdakplanet, mwaahh…
Gimingaw na kaayo ko ug blogging akong blog tawon gi lawa lawaan na pag-ayo. Imbis mag online nako akong puter na sad ang deperensya kini napod ang nakalangan. Pastilan diay puter ni vana dili pagamit kay basin ma delete ko raw iyang mga files ek ek… nag minal tugo ko karong adlawa maong naka tuslok ko dire gamit iyang puter.
Dili gani ko kabalik dire ug tuslok buot paibot wala pa naulian akong puter. Haay!
Sa mga bag-ong myembro welkam kaninyong tanan, maayo gani akong puter kamong tanan bisitahon nako inyong mga balay, na blog adik raba kaayo ko! 
Category: Bisaya | 35 Comments »
