Tagay 2
May 31st, 2007 by Loloy
Mao ni ako balos sa tagay ni lolli, hay sus, tagaan napod kog trabaho, gikapoy nako sa ako negosyo oy, di pangdawaton ang uban, kinsay gusto motabang nako sa ppp ug smorty, iisa ang mga tiil.
4 jobs I had…
1. Recovery Nurse…syempre, mao ni ako panginabuhi, puyra buyag, maayo raman ni ako trabaho, sigeg lingkod ug magtuslok ug computer bisag naay pasyente, unahon gyod ang bisdak, sukol ug amo basta naako ko sa lugar,
2. kining akong sideline ron pero bag-o pako ani, gasugod palang, galabad na ako ulo, di pa gyod dawaton ang uban
3. di ko pwede manegosyante kay maloloy-on ko, puro libre kung ako, bahala nag walay ako basta makalipay kog uban sama sa mga dvd cds nga ako gipatuyok para makakita pod ang mga walay TFC
4. ang kataposan pero trabaho gihapon ni, manghunting ug mga gwapo, mapatyan ko ni Nonoy, di bitaw to mobasa diri..hahahah
4 movies I watched over and over again…..
1. The Lord of the Rings, ang tulo gyod, sigeg balik balik usahay, British product ni siya
2. Maging Sino Ka Man-The Movie, silang Sharon ug Robin Padilla, idol kaayo nako na si Binoe
3. Feng Shui-Kris Aquino, ganahan kog horror, labi na basta si Kris ang modala, hadlok kaayo to, mao nay akong balikbalikon pag naay mga bata diri sa balay, akong panghadlok nila, da mangatulog lagi dayon
4. Die Another Day-Pierce Brosnan, ganahan ko basta James Bond, nisamot nga akong nabaw-an nga taga-amoa ang James Bond, British product
Pakapin: Harry Potter, tanan nga movies, kay British product pod na, duol ra na diri ang ila gishotingan
4 places I had lived…
1. Mapang, Rizal, Zamboanga del Norte–taga-diri ko
2. Aroroy, Masbate–nagtrabaho ko sa una sa Atlas Mining as a company nurse
3. Saudi (kadali lang ko didto kay navirginize ko didto ug mga arabo)
4. Kuwait, mga 7 years ko didto, didto ko nalipay ug maayo kay halin kaayo ako kaanyag, daghan kog uyab left and right ug 2 ako ka live-in pero wa dungana ha
ug naa na tawon ko diri sa Birmingham, UK ron, gainusara, unta maabot na si Nonoy
4 TV stations I like to watch…
1. TFC, hapit di na maibot ako mata ug tinan-aw
2. MTV, kung ganahan kog music
3. Sky channels
4. BBC-tan-aw ug news ug weather forecast
4. Birmingham, UK
4 places I have been that I like most..
1. Switzerland…. Lucerne, Switzerland, tin-aw kaayo ang tubig sa lake ug nindot ang view sa Alps, Bern, Geneva, Basil, Lausanne, Thorn, Zurich-nindot kaayo diri, Interlaken, Friedbourg,
2. Germany..hapit tanang lugar sa Germany ako na nalibot, pero ang nindot kaayo nga lugar, ang Frankfurt kay daghang tag-as nga mga building, ang Berlin pod nindot pod, Munich, daghang masuroyan, Hamburg, Mannheim, Ludwigshafen, ila vk ug malou sa baryo sa Limburgerhof, Koln-ganahan ko sa cathedral, Bonn-ang mga palasyo didto, Mainz, Koblenz, Wuppertal-kadtong mga train nga gabitay, nabali ba, sa Wine Straasse nga puro plantasyon ug grapes para himoon ug wine parte na Rhein river, Kaiserlauten, Stuttgart, sa kabukiran kadtong nangumbira mi sa mga taga-amoa nga nangawala mi ug hapit mabiyaan sa train sa pagkaignorante, Dusseldorf-nindot didto kay daghang floating restaurant sa Rhein River, asa pa ba, nalimot nako
3. Sweden—sa Gotenborg, ila ka Gemma, nindot ang Sweden, gusto ko mobalik didto kay mga gwapo ang mga tawo didto ug nindot nga lugar, limpyo
4. Netherlands–daghang bulak ug sa red light district, galing lang puro babaye ang nakadisplay sa bintana, way mga lalaki, kung naapa, ako gyod paliton
4 of my favourite foods…
1. ginamos–kanang binulabid, ambot unsay ngalan sa inyoa, basta kanang gagmay nga bulinaw, di ko ganahan anang bagoong kay puro na una, way isda
2. bulad–bisag unsa, lansang, pinikas, pusit, bisan ganig pantihang, lami man
3. sinugbang isda, bisag unsa
4. tanang seafoods bisag unsang linuto, di ko moreklamo, hay galaway noon ko da
4 places that i’d rather to be right now..
1. Birmingham, UK…dinhi naman gyod ko
2. sa amoa sa Pinas, kung madato nako
3. amerika…di ko mopuyo didto, bakasyon lang
4. Germany, duol ila Vicki para naay molaban nako, si Vicki ako ng giisip nga igsoon, sobrahan ka buotan ug manggiloloy-on, galing lang di gyod siya moari diri bisag ako ng gioperan nga ako siya kuhaon ug kuyogan paingon diri pero gahi gyod ug kigol, nanggawas na ang tanang alibi niya, mura pod ug si malou, di mahutdan ug pasumangil, mao nga di nalang ko modayon ug anha sa ilaa kay di ko ubanan ug laag, ibilin rako nilag balay, hay, di gyod sila makig-uban nakog laag kay di man gyod ko mosurender ug laag, pangkapoyon nalang kuno sila
4 people that im gonna tag..
usa lang pod kay maggoot nata diri, para ni sa akong pinanggang si Vicki
Category: Bisaya | 106 Comments »
Welcome sa tanang new members.. pasensyai dili ko kawelcome sa uban kay usahay mudalikyat ra ko ug lili diri…
Michael aka Mike 
sa Carcar,Cebu ug naa siya sa Philippines. Wala pa siyay blog site basin ug iya pang gipanday or nagpa panday ba hinoon. ayaw kaulaw dire ha, pun-an na sab ang guapo diri sa bisdak! :-).
