Bisdakplanet.net

dugangan atong guapo diri!


Welcome Paul aka chadexs ug Eric aka Erick.

Mga higala si Paul taga Mandaue ug naa siya Pinas. Bisita nya sa iyang site paki click dire.

Ug si Eric mga higala taga Siquijor siya ug anaa siya sa Pinas nag puyo Palihog nalang usab ug bisita sa site ni Eric paki click dire.

Kaninyong duha dodong Chadexs ug dong Eric, hinaut nga ma enjoy usab kamo sama kanamo dire nga sige lang ug ngise mga buotan ang tanan dire basta bisdak ayaw jud mo ug kaulaw dire ipakita ang inyong ka gwapo kay daghan pod mga gwapa dire
maayong semana kanatong tanan!

>>>gisugo rako

PAKAPIN: mabuhay ang BisRock!

Bolinaw (paborito ni Loloy - ma langsang o kinilaw )
(click to play)

Sa lungsod sa Pinamungajan
Uban sa akong ginikanan
Paabot sa sakyanan, padulong sa pantalan
Paabot sa sakayan, kung naa bay nangadakpan
Ilargo sa kan-anan, mangaon tang tanan

Oh pastilan ning kinabuhi
Oh pagkalami

Oh kinilaw na bolinaw
Ikaw ang akong gihuna-huna, buntag, udto ug hapon
ikaw ang akong handomon
Suka, sili ug luy-a
Kinilaw’ng bolinaw (kalami naman ani oi galaway lang ko da!)

Oh, asa ka?
Oh, asa ka?

Kutob sa makatilaw mga tao maanaw
Bolinaw pangdakpon Oh bahala lisod dakpon
Naadik sa bolinaw, ang nawng nalatagaw
Parisan dayo’g tuba, manimaho ang baba

Oh bolinaw
Sa kong kinabuhi Oh pagkalami

Oh kinilaw na bolinaw
Ikaw ang akong gihuna-huna, buntag, udto ug hapon
ikaw ang akong handomon
Suka, sili ug luy-a
Kinilaw’ng bolinaw

Oh kinilaw na bolinaw ikaw ang akong gihuna-huna

Oh asa ka?4x

Paki click ang Bisdak Photos naa ko gibutang, ug kung inyong i click ang pictures makita ninyo ang tibook album ug makita gajud ang hitsura. hehehe .

nahuman sab diay nako ang blog ni Julai paki bisita lang DIRI…Syagit lang Julai kung naa ka gusto usbon. Swerte diay ka Julai kay giatake ko sa akong allergy mao nahuman dayon. hehehe. kung wala pa na abtan jud ug siyam2x kay nindot kaau among weather pagka weekend. hehehe. Nagyampungad ra tawon ko atubangan sa akong pc segi ug tulpok.