Bisdakplanet.net

Ang lechon kawali express bow!
Adtong niaging adlaw (Martes) sabot mi ni Genalyn.
Mao kini among mga sabot;
Genalyn: Balik dire sa balay ha! (kay nagkita man mi adtong martes)
Lolli: O sige, magluto dayon tag lechon kawali. Kanus-a man, kanang naa kay free time.
Genalyn: Karong hwebes (gahapon) kay wala koy work ana.
Lolli: Sige, ako’y dala sa baboy pabukalan nalang nako daan sa balay unya dire nato lutoon sa inyo
Genalyn: O sige, kay naa man koy lutuan ug ayaw na pagdala ug mantika kay naa koy mantika daghan.
Lolli: O cige!
Pag-uli nako sa balay, padagan dayon ko sa akong tartanelya nga de gasolina kay ngita lagi baboy sa grocery. Unya Myerkules sa gabii ako nang gi luto, gibutang sa dako nga kaldero, butangan tubig, gi asinan, luy-a, sibuyas ug gipabukalan. Ingon si vana, uy milagro nagluto ka! unya kadaghan ba sa imong giluto. Ingon ko, molaag man gud ko ugma unya didto ko mag lunch sa akong miga. Tubag si vana, maayo aron di na ma lapad ug ayo imong lubot ug atubang sa pc, ug ayaw kalimti dad-a baya ang iro ibilin lang sa pikas balay.Matud ni vana.
Dayon gi YM nako si Genalyn.

Lolli: Moanha ko sa inyo ugma ha!
Genalyn: hoisst, naa man diay koy work kay blah blah….
Lolli: hahaha…(pwerte nakong katawa kay gipa bukalan ko raba ang baboy)

Mao to na palpak among plano nga mag pakals sa ila balay Agoy kay nag YM man si Genalyn utro nga madayon kono among lunch sa ilaha, gipangutana ko unsa orasa ko mo abot.
Ngeek! kining akong utok nga kaisa ra mo decide. Wa jud padala nga madayon lagi among lunch.
Unya, tingala si vana nganong naa ra ko sa balay, gipangutanan ko, ingon ko ako nalay kaon aning akong lechon kawali uy,! Mao to akong gi luto gabii gi butang sa lutuan sa fench fries bali gipa lutaw sa mantika. Pastilan unang luto, sige pod ko kaon, unya ako pod doggy si panguhit kay mangayo. Kami duha kaon sa akong iro, kay si vana di mokaon bisag arang lamia. Halaka duh, pag human nakog luto nabusog nako ug mao nalang ni ang nahibilin hehehe…

Kagobkob jud ni ay! lami lagi kaayo. Mao ni akong kinakusgan nga recipeng nahibal-an hahaha Nakatuon pod ko ani gikan sa usa ka pinay dire sa Luxembourg, hasta pod na genalyn hawod kaayo mo luto ani kay klos pren man niya ang nag tudlo namo.

Happy weekend kaninyong tanan diha, tiwason ko sa ning akong lechon express ug kaon. Ug belated happy wedding anniversary kay Jahazel. Dungan diay sila ni Pinky, kagahapon sab.