Tigmo tigmo by…Lolli
March 7th, 2006 by admin
Tigmo tigmo sa ta beh, ang maka tubag adunay premyo spring pixels balag kamo tanan makatubag basta walay kopyahay hehe… ang mangopya silihan ang giti hehe… Hala tubaga ang mga pangutana!
1. Tigmo-tigmo agukoy, ugma ra ta mag-asoy.
2. Kabayo ni Adan, dili mokaon kon dili sakyan.
3. Tubig kong tinipigan, dili hidapatan sa hangin.
4. Wala sa langit, wala sa yuta, makalibog sa hunahuna.
5. May nakita akong nagpangali, giadto nako, way agi.
6. Balay ni Kali, mga haligi pulos bali; ang atop
kalaha, taganag-unsa?
7. Ug malipay mogamay; ug masuko, modako.
8. Siging lukot, siging lukot, walay linukotan.
9. Sa gamay pa gisanina-an, sa dako na gihubu-an.
10. Magsuon kaming tiunay, sama ang dagway;
gibulag kami ni Nanay, ug wala na magkinit-anay.
11. Ang panit gaputos sa balhibo, ang balhibo gaputos
ug kubal, ang kubal gaputos sa unod, ug ang unod
gaputos sa tubig.
12. Ang tiyan naa sa baba, ang lawas naa sa baba, ang
tinai na sa baba, ang kamut naa sa baba, ang mata naa
sa baba, ug ang baba anaa sa baba.
Para sa mga bisdak, right click and save.
Category: Mga tigmo | 29 Comments »
