Pasiaw Na Pod Ta “by Pinky”
February 20th, 2006 by admin
Kita kuno nga mga bisaya bisan unsa kuno ka dako sa atong mga problema, naa guihapon tay panahon sa kalipay og pakatawa sa uban. Tinuod? Kong uyon ka, hala basaha ni, kong dili gani haskang malasa nimo!
Bisaya 1: Pre, unsay ibig sabihin ng, “cooling place”? Bisaya 2: Sus! dugay ka na sa Manila, tunto ka pa rin! Pag nag ring ang phone, sasabihin mo, “helow, who’s cooling place?”
Kristiyano: Nganong ang atong manluluwas, gi lansang man sa krus? Muslim: Syempre aron dili mahagbong!
Diperensya sa pobre og sa adunahan: Kong adunahan ka duna kay “allergy” kong pobre ka duna kay “korikong”. Sa pobre, “na buang”, kong adunahan “nervous breakdown” tungod sa “tension”. Sa adunahan nga mangawat, ang tawag “kleptomaniac”, sa pobre “kawatan”. Kong pobre, mo sakit ang ulo, ingnon dayon nga “na pasmo” pero og adunahan, “migrain”. Kung pobre, “buktot”, pero og adunahan, ” scoliotic”. Kong maid ka nga itumon, tawgon ka og “negrita”, pero kong adunahan ka og mas itom pa sa sulogoon, ang itawag “morena”. Kung bisan kinsa lang ang imong ka date, ingnon ka og “owagan” o ” burikat”. Pero kong kwartahan ka ang ilang itawag nimo, “game” o “liberated”. Kong edaran ka nga pobre ingnon ka nga, “tigulang”, pero kong datu ang tawag “senior citizen”. Kung anak ka sa kwartahan unya dili dayon makakat-on ang tawag, “slow learner” kong anak ka sa pobre ang tawag nimo, “bugok”.
Mga Pinoy, Intsik og Hapon sa Saudi nag pustahay kong kinsa ang maka pronawns ug litra nga “R”.
Intsik: “Bulaklak at palopalo”, ang Intsik pildi kay dili maka pronawns og litra nga “R” Hapon: “Burakrak and paroparo”, ang hapon pildi kay dili maka pronawns og litra “L” Pinoy: “Buyakyak at payopayo”, labaw pang na pildi kay taga Surigao man diay ang kontestant.
Kung ang kugmo tam-is naa kay sakit nga diabetes. Kung ang kugmo parat naa kay sakit sa atay. Kong ang kugmo aslom naa kay sakit sa kidney. Pero kong ang kugmo imong tilawan, naa kay sakit sa utok!
Category: Pasi-aw | 20 Comments »
